У Samsung дапускаюць, што ў будучыні на смартфонах Samsung Galaxy могуць з’явіцца вайб-кодынгавыя фічы. Пра гэта піша TechRadar са спасылкай на кіраўніка мабільнага падраздзялення кампаніі Вон-Джун Чоя.
У Samsung дапускаюць, што ў будучыні на смартфонах Samsung Galaxy могуць з’явіцца вайб-кодынгавыя фічы. Пра гэта піша TechRadar са спасылкай на кіраўніка мабільнага падраздзялення кампаніі Вон-Джун Чоя.
Тэму ўзнялі пасля прэзентацыі лінейкі Samsung Galaxy S26, дзе кампанія зрабіла акцэнт на ШІ-функцыях і нават пачала называць прылады «ШІ-тэлефонамі». Большасць абнаўленняў у новай серыі звязана менавіта з праграмнымі магчымасцямі на базе ШІ. Сярод іх — функцыі Now Nudge і пашыраная версія Audio Eraser, а таксама больш магутны блок апрацоўкі нейрасеткавых задач: прадукцыйнасць NPU ў базавых мадэлях вырасла прыкладна на 39%.
На мерапрыемстве таксама паведамілі аб планах дадаць на смартфоны асістэнта ад Perplexity AI як альтэрнатыву Google Gemini. У кампаніі не выключаюць, што ў будучыні на прыладах могуць з’явіцца і іншыя ШІ-мадэлі.
Пры гэтым асобна абмяркоўвалася магчымасць укаранення інструментаў для вайб-кодынгу. Чой кажа, што кампанія разглядае такі сцэнар: «Гэта вельмі цікавая ідэя, і мы яе вывучаем». Ён адзначыў, што падобныя інструменты маглі б дазволіць карыстальнікам кастамізаваць не толькі аплікацыі, але і сам інтэрфейс смартфона. Зараз, па яго словах, карыстальнікі абмежаваны наборам загадзя падрыхтаваных функцый, тады як з дапамогай вайб-кодынгу маглі б мадыфікаваць любімыя аплікацыі ці ствараць уласныя рашэнні пад канкрэтныя задачы.
У Samsung падкрэсліваюць, што пакуль гаворка ідзе толькі аб прапрацоўцы ідэі. Кампанія не пацвярджае, з’явяцца ці такія функцыі ў смартфонах і калі гэта можа адбыцца.
Рэлацыраваліся? Цяпер вы можаце каментаваць без верыфікацыі акаўнта.