Інвестары з Крэмніевай даліны вырашылі пабудаваць уласную альтэрнатыву класічнай вышэйшай адукацыі. Фонд Andreessen Horowitz (a16z) прыцягнуў $42 мільёны на запуск Horowitz Andreessen Academy — камерцыйнай навучальнай установы ў Сан-Францыска, створанай спецыяльна для падрыхтоўкі прадпрымальнікаў ды інжынераў новай хвалі.
Інвестары з Крэмніевай даліны вырашылі пабудаваць уласную альтэрнатыву класічнай вышэйшай адукацыі. Фонд Andreessen Horowitz (a16z) прыцягнуў $42 мільёны на запуск Horowitz Andreessen Academy — камерцыйнай навучальнай установы ў Сан-Францыска, створанай спецыяльна для падрыхтоўкі прадпрымальнікаў ды інжынераў новай хвалі.
Замест дыпломаў, адзнак і нудных акадэмічных лекцый студэнтаў чакаюць практычныя праекты, стажыроўкі ў тэхнагігантах і праца з топамі індустрыі. Генеральным дырэктарам акадэміі стаў сузаснавальнік Udemy Гаган Біяні, а ў савет дырэктараў увайшлі Марк Андрысэн і Бэн Горавіц.
Праграма Founding Class Fellowship стартуе ў верасні 2027 года з першай бясплатнай групы з 50 чалавек — пераважна ўчорашніх школьнікаў і студэнтаў першых курсаў. З верасня па красавік яны праводзяць у кампусе Сан-Францыска, у траўні адпраўляюцца ў замежную паездку, а летам праходзяць аплачваемыя стажыроўкі ў кампаніях-партнёрах. Першы паток вучыцца бясплатна — студэнтам нават прадастаўляць $50 тысяч у выглядзе вылічальных крэдытаў на навучанне ШІ-мадэлей і $5 тысяч на даследаванні. Але з 2028 года школа плануе запусціць двухгадовыя платныя праграмы, а кошт навучання будзе параўнальны з элітнымі прыватнымі ўніверсітэтамі ЗША.
Трапіць у першы паток акадэміі змогуць выпускнікі школ і студэнты-першакурснікі (за плячыма павінна быць не больш за адзін год каледжа або ўніверсітэта да жніўня 2027-га). Заяўкі прымаюцца анлайн на сайце праекта: ранні дэдлайн — 5 лістапада 2026 года з адказам у канцы студзеня 2027-га, а асноўны прыём закрываецца 15 студзеня. Галоўны акцэнт пры адборы зробяць не на школьным атэстаце або тэстах, а на партфоліа — кандыдатам трэба паказаць сайт з іх рэальнымі праектамі і запісаць кароткае відэа-візітку.
Праект сабраў зорны склад выкладчыкаў і ментараў. Паўнавартасныя курсы будуць весці заснавальнікі фонду: Андрысэн прачытае блок пра змену тэхналагічных платформаў, а Горавіц — курс па антыкрызісным лідарстве. У ролі запрошаных лектараў і куратараў заяўлены кіраўнік OpenAI Сэм Альтман, генеральны дырэктар Nvidia Джэнсэн Хўан, кіраўнік Microsoft Сат’я Надэла, а таксама вядучыя вучоныя Яна Лекун і Фэй-Фэй Лі. Вучэбная праграма распрацоўваецца сумесна з OpenAI, Google, Meta, Palantir і Anduril, а такія кампаніі, як Databricks і Kraken, гатовы браць выпускнікоў адразу ў штат.
Гаровіц адзначае, што ШІ-рэвалюцыя зменіць рынак працы гэтак жа радыкальна, як некалі прамысловая рэвалюцыя знішчыла аграрны ўклад, таму старая акадэмічная сістэма больш не здольная рыхтаваць кадры для новага свету.
Рэлацыраваліся? Цяпер вы можаце каментаваць без верыфікацыі акаўнта.