Павышаны попыт на кваліфікаваныя кадры апошнімі гадамі падштурхнуў многіх супрацоўнікаў да звальнення і пошуку лепшых магчымасцей — асабліва ў ІТ-сферы, дзе людзі сталі сыходзіць з працы, якая не задавальняла заробкам, бонусамі або карпаратыўнай культурай працадаўцы.
Павышаны попыт на кваліфікаваныя кадры апошнімі гадамі падштурхнуў многіх супрацоўнікаў да звальнення і пошуку лепшых магчымасцей — асабліва ў ІТ-сферы, дзе людзі сталі сыходзіць з працы, якая не задавальняла заробкам, бонусамі або карпаратыўнай культурай працадаўцы.
Партал Axios прааналізаваў свежыя звесткі пра вакансіі і цякучасць кадраў, падрыхтаваныя Федэральным бюро статыстыкі працы пры Мінпрацы ЗША, і выявіў, што доля звольненых людзей у красавіку ўпала да 2,4% — гэта амаль адпавядае перадапандэмійнаму ўзроўню 2019 года і толькі на 0,1 працэнтнага пункта вышэй, ніж у лютым 2020-га. На піку «вялікага звальнення» ў красавіку 2022-га гэты паказчык складаў 3%. Тады за месяц звольнілася каля 4,5 млн амерыканскіх супрацоўнікаў.
Але гэта не значыць, што людзі аж так шануюць бягучае працоўнае месца, адзначае Dice. 42% удзельнікаў нядаўняга апытання сайта ў LinkedIn адказалі, што звольняцца, калі кампанія паспрабуе прымусіць іх вярнуцца ў офіс. 45% згодныя на гібрыдны фармат — працаваць у офісе толькі некалькі дзён на тыдзень.
Паводле даных профільнай асацыяцыі CompTIA, узровень беспрацоўя ў амерыканскім ІТ у красавіку падняўся да 2,3%, хоць і застаўся прыкметна ніжэйшым за 3,4% у сярэднім па краіне. А ў маі ўпаў да 2% пры 3,7% у ЗША. ІТ-спецыялісты разумеюць, што іхнія навыкі запатрабаваныя на рынку, і гэта пакідае ім прастору для перамоў з працадаўцамі, піша Dice.
Паводле прагнозу CompTIA, у 2023 годзе больш за ўсё будзе расці запатрабаванасць дата-саентыстаў і дата-аналітыкаў, а таксама спецыялістаў у кібербяспецы і вэб-дызайнераў.
Рэлацыраваліся? Цяпер вы можаце каментаваць без верыфікацыі акаўнта.
«увольнение» ? переводчики [censored - П. 4.1.2. Пользовательского соглашения — https://dev.by/pages/agreement]