Візавыя цэнтры Польшчы змянілі правілы верыфікацыі для беларусаў

Змены закранулі верыфікацыю асобы пры рэгістрацыі анлайн.  Каб зарэгістравацца, заяўніку прыйдзецца ўключыць камеру на сваёй прыладзе (смартфоне, камп’ютары). Таксама пры рэгістрацыі неабходна мець пры сабе арыгінал пашпарта.  

Кожны заяўнік павінен рэгістравацца індывідуальна, за выключэннем выпадкаў рэгістрацыі сям'і (мужа і жонкі, непаўналетніх дзяцей).

«У выпадку групавой рэгістрацыі сямейнікаў верыфікацыю дастаткова прайсці аднаму паўналетняму сямейніку. Пры наведванні візавага цэнтра па такой рэгістрацыі неабходна падаць пацверджанне сваяцтва», — удакладнілі ў VFS Global.