Аддзел навін 9 верасня 2024, 15:16

Візавыя цэнтры Польшчы спрасцілі прыём дакументаў для пажылых людзей

9 верасня візавыя цэнтры Польшчы спрасцілі падачу дакументаў на візы для людзей старэйшых за 60 гадоў. Пра гэта паведамляе VFS Global.

Пакінуць каментарый

9 верасня візавыя цэнтры Польшчы спрасцілі падачу дакументаў на візы для людзей старэйшых за 60 гадоў. Пра гэта паведамляе VFS Global.

«Заяўнікі старэйшыя за 60 гадоў могуць падаваць дакументы на візу на запрашэнне ад дзяцей і ўнукаў, заверанае ў ваяводстве, без папярэдняй рэгістрацыі», — паведамілі ў VFS Global. Новыя правілы дзейнічаюць ва ўсіх візавых цэнтрах Польшчы.

Пры падачы дакументаў па-ранейшаму неабходна ўлічваць тэрытарыяльную юрысдыкцыю консульстваў.

У маі польскія візавыя цэнтры ўвялі асобную рэгістрацыю для людзей старэйшых за 60 гадоў.

У сістэме рэгістрацыі на падачу дакументаў з’явілася новая катэгорыя — ваяводскае запрашэнне для людзей старэйшых за 60 гадоў. Гаворка ідзе пра тых, хто плануе падаваць дакументы на запрашэнне ад дзяцей і ўнукаў, зарэгістраваных у ваяводстве.