Паводле інфармацыі Wall Street Journal, амерыканскі Мінюст і Камісія па каштоўных паперах і біржах (SEC) расследуюць таямнічы праект Project 42 нібыта па будаўніцтве шклянога дома для гендырэктара Tesla Ілана Маска.
Паводле інфармацыі Wall Street Journal, амерыканскі Мінюст і Камісія па каштоўных паперах і біржах (SEC) расследуюць таямнічы праект Project 42 нібыта па будаўніцтве шклянога дома для гендырэктара Tesla Ілана Маска.
Федэральныя пракуроры расследуюць, ці выкарыстоўваліся грошы Tesla для рэалізацыі праекта ў асабістых мэтах Маска, колькі менавіта было выдаткавана карпаратыўных сродкаў на ініцыятыву і якая яе мэта. Некалькі дзейных і былых супрацоўнікаў аўтавытворцы былі выкліканыя для дачы паказанняў, некаторых папрасілі з’явіцца ў суд зноў у верасні.
Уласную праверку гэтага пытання пачала і SEC. Абодва расследаванні знаходзяцца на ранніх стадыях.
Мільярдэр адмаўляе абвінавачванні на свой адрас. «Я не будую ніякага дома, і ўжо тым больш шклянога», — напісаў ён у Twitter.
У ліпені WSJ паведамляў, што ў праекце прадугледжваецца будаўніцтва дома са шклянымі сценамі каля гігафабрыкі Tesla ў тэхаскім Осціне. Першапачаткова меркавалася, што ён будзе прызначаны для гендырэктара кампаніі. У плане прысутнічалі спальныя пакоі.
Праект прыцягнуў увагу ў кампаніі летась пасля таго, як быў зроблены заказ адмысловага шкла. У поле зроку трапіў топ-менеджар завода Tesla ў Тэхасе Амід Афшар. Праўленне кампаніі таксама цікавілася сувяззю Маска з праектам і тым, колькі часу на яго было выдаткавана супрацоўнікамі. Ці быў дастаўлены заказ і ці актыўны праект цяпер, незразумела.
Рэлацыраваліся? Цяпер вы можаце каментаваць без верыфікацыі акаўнта.