Бум штучнага інтэлекту адначасова натхняе і знясільвае супрацоўнікаў тэхкампаній, асабліва прадуктовых менеджараў. Пра гэта распавёў былы віцэ-прэзідэнт па прадукту Meta Ніхіл Сінгхал.
Бум штучнага інтэлекту адначасова натхняе і знясільвае супрацоўнікаў тэхкампаній, асабліва прадуктовых менеджараў. Пра гэта распавёў былы віцэ-прэзідэнт па прадукту Meta Ніхіл Сінгхал.
Паводле словаў Сінгхала, цяперашні стан індустрыі можна апісаць як «на знос, але на драйве» [smiling exhaustion]. «Я бачу гэта ва ўсіх у сваёй супольнасці. Я ніколі не бачыў індустрыю настолькі стомленай, як цяпер», — адзначыў ён у падкасце Lenny’s Podcast. Паводле яго, «нішто не застаецца пастаянным», а ўсе знаходзяцца «ў стане пастаяннага напружання».
З аднаго боку, ШІ робіць працу прадактаў больш цікавай: яны могуць хутчэй тэставаць ідэі і напрамую працаваць з ШІ-інструментамі, а таксама спрашчаць каардынацыю ўнутры каманд. З іншага — тэмп зменаў стаў настолькі высокім, што супрацоўнікі не паспяваюць адаптавацца, лічыць эксперт.
Пра падобны эфект кажуць і іншыя ўдзельнікі рынку. Інжынер Сідхант Кхарэ з ONA ў сваім блогу адзначыў, што ШІ павысіў ягоную прадуктыўнасць, але адначасова ўзмацніў стому. Сузаснавальнік Django Саймон Уілісан апісвае працу з ШІ-агентамі як «ментальна знясільваючую» — настолькі, што «ужо да паловы дня адчуваеш сябе цалкам выціснутым». Праграміст Стыў Егэ, у сваю чаргу, папярэджвае пра «вампірскі эфект», калі тэхналогіі прымушаюць супрацоўнікаў працаваць на мяжы.
Даследаванні пацвярджаюць гэты трэнд. Паводле дадзеных Harvard Business Review, частка супрацоўнікаў сутыкаецца з так званым «AI brain fry» — ментальным выгараннем праз празмернае выкарыстанне ШІ.
Дадатковы ціск стварае хуткасць развіцця тэхналогій. Паводле Сінгхала, навыкі састарэваюць за лічаныя месяцы, праз што нават паспяховыя спецыялісты адчуваюць стрэс. «Людзі перажываюць, што не паспяваюць за зменамі ці што індустрыя зменіцца так, што іх проста «раздавіць па дарозе», — адзначыў ён.
У бліжэйшыя 12–24 месяцы Сінгхал чакае рэзкія кадравыя ваганні: «масавыя скарачэнні, а затым масавы наём» — ужо пад новыя ролі, звязаныя з ШІ. «Калі вам не падабаецца што-небудзь ствараць, у вас праблемы», — дадаў ён. Галоўная праблема, на думку эксперта, — гэта тэмп. «Ён бязлітасны. І гэта ніяк не прыхарашыць», — падсумаваў Сінгхал.
Релоцировались? Теперь вы можете комментировать без верификации аккаунта.