Аддзел навін 29 жніўня 2023, 16:25

Усе заводы Toyota ў Японіі спыніліся праз камп'ютарны збой

Усе 14 заводаў Toyota па зборцы аўтамабіляў у Японіі прыпынілі працу ў аўторак, паведамляе мясцовае інфармагенцтва Kyodo News. Прычынай стаў збой у ІТ-сістэме, не звязаны з кібератакай.

Пакінуць каментарый

Усе заводы Toyota ў Японіі спыніліся праз камп'ютарны збой

Усе 14 заводаў Toyota па зборцы аўтамабіляў у Японіі прыпынілі працу ў аўторак, паведамляе мясцовае інфармагенцтва Kyodo News. Прычынай стаў збой у ІТ-сістэме, не звязаны з кібератакай.

На ўсіх заводах выкарыстоўваецца адная і тая ж камп’ютарная сістэма. Праз праблему ў ёй у аўторак раніцай парушыўся працэс апрацоўкі заказаў на пастаўку аўтазапчастак. Кампанія праводзіць расследаванне.

Паводле паведамлення Reuters, вытворчасць на 25 лініях 12 заводаў плануецца аднавіць раніцай у сераду, а на астатніх дзвюх — у сярэдзіне дня.

Toyota ўжо спыняла ўсе свае заводы ў краіне ў сакавіку 2022 года. Тады ўсяму віной была кібератака на мясцовага пастаўшчыка кампаніі Kojima Industries. У ліпені японскі аўтамабілебудаўнік часткова спыняў дзейнасць пасля кібератакі на ІТ-сістэму ў порце Нагоя, якая паралізавала яго працу на два дні. Toyota экспартуе сваю прадукцыю праз гэты порт.