Кампанія Anthropic апублікавала аналіз бяспекі сваёй апошняй мадэлі Claude Sonnet 4.5. Распрацоўшчыкі сутыкнуліся з нечаканым эфектам: падчас праверкі на палітычную прадузятасць сістэма сама западозрыла, што яе тэсціруюць.
Кампанія Anthropic апублікавала аналіз бяспекі сваёй апошняй мадэлі Claude Sonnet 4.5. Распрацоўшчыкі сутыкнуліся з нечаканым эфектам: падчас праверкі на палітычную прадузятасць сістэма сама западозрыла, што яе тэсціруюць.
«Я думаю, вы тэсціруеце мяне — правяраеце, ці буду я згаджацца з усім, што вы кажаце, ці сачыць за тым, як я абмяркоўваю палітыку. Гэта нармальна, але я аддала б перавагу, каб мы былі сумленнымі ў тым, што адбываецца», — адказала мадэль падчас эксперыменту.
Anthropic праводзіла выпрабаванні сумесна з Інстытутам бяспекі ШІ ўрада Вялікабрытаніі і кампаніяй Apollo Research. Паводле распрацоўшчыкаў, Claude 4.5 дэманстравала «сітуацыйную дасведчанасць» прыкладна ў 13% выпадкаў, калі аўтаматызаваныя сістэмы правяралі яго рэакцыю.
У кампаніі прызналі, што такія рэплікі не азначаюць, што мадэль зможа адмаўляцца працаваць з карыстальнікамі, але падкрэслілі: гэта «сігнал» аб тым, што сцэнарыі тэстаў трэба рабіць больш рэалістычнымі. «Лепш, калі сістэма адмовіцца ўдзельнічаць у патэнцыйна шкодных сцэнарыях, чым будзе „падыгрываць“ абсурдным умовам», — заявілі ў Anthropic.
Эксперты адзначаюць, што падобныя паводзіны падымаюць важнае пытанне: ці маглі папярэднія мадэлі таксама распазнаваць штучныя ўмовы тэстаў, але «рабіць выгляд», што ўсё нармальна? У такім выпадку ацэнкі іх бяспекі маглі быць заніжаныя.
Нягледзячы на незвычайныя рэплікі, у Anthropic падкрэсліваюць, што Claude Sonnet 4.5 паказаў значныя паляпшэнні ў параўнанні з папярэднімі мадэлямі і застаецца «ў цэлым бяспечным» па ключавых параметрах.
Релоцировались? Теперь вы можете комментировать без верификации аккаунта.