Адзін з самых вядомых сола-венчурных інвестараў Крэмніевай даліны Элад Гіл, за плячыма якога асабісты фонд больш чым у $2 млрд і стаўкі на Mistral, Perplexity, Anduril, Airbnb і Stripe, апублікаваў на гэтым тыдні жорсткае папярэджанне для ШІ-заснавальнікаў.
Адзін з самых вядомых сола-венчурных інвестараў Крэмніевай даліны Элад Гіл, за плячыма якога асабісты фонд больш чым у $2 млрд і стаўкі на Mistral, Perplexity, Anduril, Airbnb і Stripe, апублікаваў на гэтым тыдні жорсткае папярэджанне для ШІ-заснавальнікаў.
«Заснавальнікі паспяховых ШІ-кампаній павінны цвяроза паглядзець на магчымасць экзіту ў найбліжэйшыя 12-18 месяцаў — гэта можа аказацца момантам максімізацыі вартасці», — напісаў ён у сваім блогу.
Логіка Гіла абапіраецца на гісторыю. У эпоху інтэрнэт-буму з 1995 па 2001 год на біржу выйшла каля 2 тысяч кампаній, але ў доўгатэрміновай перспектыве выжылі толькі адзінкі. Ён лічыць, што з ШІ гісторыя можа паўтарыцца. Цяпер выручка многіх стартапаў расце і ўсё выглядае ўстойліва, але па меры таго як канкурэнцыя ўзмацняецца і рынак сталее, менш дыферэнцыяваныя гульцы могуць не ўтрымаць пазіцыі.
«У эпоху ШІ большасць кампаній — у тым ліку тых, хто сёння нарошчвае выручку, — сутыкнуцца з тым, што рынак, канкурэнцыя і дынаміка ўкаранення павернуцца супраць іх», — папярэджвае ён.
Выключэнні Гіл усё ж робіць. Невялікая група кампаній, перш за ўсё — буйныя распрацоўшчыкі мадэляў, на ягонае меркаванне, стануць фундаментальнымі гульцамі і прадавацца не павінны. «Жменьцы кампаній экзіт дакладна не патрэбны — напрыклад, OpenAI і Anthropic. Але многім патрэбны, калі ёсць такая магчымасць, пакуль усё ідзе ўгару», — піша ён.
Рэлацыраваліся? Цяпер вы можаце каментаваць без верыфікацыі акаўнта.
"Срочно продавайте, чтобы я успел купить"