Алеся Чапкевич bel 20 красавіка 2026, 17:59

У Беларусь сталі адпраўляць больш грошай. Але радзей

Нацбанк апублікаваў дадзеныя па аб’ёмах грашовых пералікаў за мяжу і з-за мяжы ў 1 квартале 2026 года. Абодва патокі павялічыліся, але колькасць адпраўленняў знізілася.

2 каментарыя

Нацбанк апублікаваў дадзеныя па аб’ёмах грашовых пералікаў за мяжу і з-за мяжы ў 1 квартале 2026 года. Абодва патокі павялічыліся, але колькасць адпраўленняў знізілася.

За мяжу з Беларусі было зроблена 36,3 тысячы пераводаў — на 4,8% менш, чым годам раней. Агульная сума пералікаў вырасла на 19% да $26,5 млн, а сярэдні памер пераліку — на 25% да $730,6.

Амаль дзве трэці транзакцый прыйшліся на расійскія рублі, каля трэці — на долары. У грашовым вымярэнні на долар прыходзіцца больш за палову ўсёй масы адпраўленняў.

З-за мяжы ў Беларусь паступіла 69,3 тысячы пераводаў — мінус 3,3% год да году. Але іх сума вырасла на 12,2% да $40,5 млн, а сярэдні памер пераводу — на 16% да $584,1.

Больш за 70% усіх пералікаў у Беларусь былі ў доларах, астатнія — амаль пароўну ў еўра і расійскіх рублях. У грашовым вымярэнні таксама лідаруе долар — ён у агульным аб’ёме заняў тры чвэрці.