Грэцкая банкаўская група Eurobank выкупіла ўсе акцыі Hellenic Bank — другога па велічыні на Кіпры, — якія раней належалі Wargaming Group і яе кіраўніцтву. Партал «Беларусы і рынак» палічыў, колькі маглі зарабіць удзельнікі ўгоды.
Грэцкая банкаўская група Eurobank выкупіла ўсе акцыі Hellenic Bank — другога па велічыні на Кіпры, — якія раней належалі Wargaming Group і яе кіраўніцтву. Партал «Беларусы і рынак» палічыў, колькі маглі зарабіць удзельнікі ўгоды.
Выданне сцвярджае, што саўладальнікі Віктар Кіслы і Мікалай Кацалапаў, а таксама некаторыя супрацоўнікі холдынгу атрымалі на ўгодзе не менш за $100 млн.
Wargaming стала акцыянерам Hellenic Bank у 2013 годзе. Тады, пасля банкаўскага крызісу на Кіпры, яе ўладальнікі за €40 млн набылі 30% банка ў Кіпрскай праваслаўнай царквы.
Eurobank пачала паглынанне банка ў 2022 годзе — тады яна купіла ў Wargaming Group 13,41% яго акцый за €70 млн еўра.
У 2023 годзе Wargaming выходзіла з Расіі і Беларусі, і ёй тэрмінова былі патрэбны грошы. Яна прадала грэцкім банкірам астатнія 6,8% акцый Hellenic Bank за €65,9 млн, а яе топ-менеджары — яшчэ 0,4% за €4 млн.
Да канца таго года доля Eurobank у Hellenic Bank набліжалася да 56%, а да гэтага красавіка вырасла амаль да 98%. У гэтым ліпені кіраўніцтва Eurobank абвесціла аб зліцці Hellenic Bank з яе кіпрскім падраздзяленнем Eurobank Cyprus. Перадача актываў і абавязацельстваў завяршылася 1 верасня, новая структура працуе пад брэндам Eurobank.
Рэлацыраваліся? Цяпер вы можаце каментаваць без верыфікацыі акаўнта.