Сыход Wargaming з Беларусі і Расіі і змена назваў яе відэагульняў не паўплывалі на памер аўдыторыі «Свету танкаў», «Свету караблёў» і Tanks Blitz. Пра гэта ў інтэрв’ю ТАСС расказаў дырэктар па прадукце праекта Tanks Blitz Павел Сцяпанаў.
Сыход Wargaming з Беларусі і Расіі і змена назваў яе відэагульняў не паўплывалі на памер аўдыторыі «Свету танкаў», «Свету караблёў» і Tanks Blitz. Пра гэта ў інтэрв’ю ТАСС расказаў дырэктар па прадукце праекта Tanks Blitz Павел Сцяпанаў.
13 кастрычніка World Of Tanks, World of Warships і World Of Tanks: Blitz памянялі назвы на тэрыторыі дзвюх краін на «Свет танкаў», «Свет караблёў» і Tanks Blitz адпаведна.
Цяпер штодзённая аўдыторыя трох гульняў складае 1,5 млн гульцоў. Сцяпанаў адзначыў, што гэта амаль 100% ад базавага паказчыка да перайменавання, і назваў дасягненнем практычна поўную адсутнасць страт. Паводле слоў менеджара, агульная аўдыторыя «Свету танкаў», «Свету караблёў» і Tanks Blitz можа пераваліць за 40 млн чалавек.
«Аўдыторыя наўрад ці моцна змянілася, хутчэй, яна падзялілася. Tanks Blitz, „Свет танкаў“, „Свет караблёў“ — гэта расійска-беларускія версіі папулярных гульняў і, па сутнасці, новыя прадукты на гульнявым рынку. Гульцам прыйшлося выбіраць, у якую гульню яны хочуць гуляць. Большая частка расійскай і беларускай аўдыторыі чакана выбралі гульні ад кампаніі Lesta Games. Такім чынам, гульцы выдалі нам крэдыт даверу, які мы цвёрда маем намер апраўдаць», — адзначыў ён.
Паводле яго слоў, пікавае значэнне геймераў, якія гуляюць адначасова, амаль не змянілася — напрыклад, у Tanks Blitz яно складае 97% ад базавага паказчыка да моманту падзелу і перайменавання.
Wargaming абвясціла пра сыход з Беларусі і Расіі ў красавіку 2022 года. Апераваннем гульняў «Свет танкаў», «Свет караблёў» і Tanks Blitz займаецца расійска-беларуская студыя Lesta Games з галаўным офісам у Санкт-Пецярбургу, а таксама офісамі ў Маскве і Мінску.
Рэлацыраваліся? Цяпер вы можаце каментаваць без верыфікацыі акаўнта.