Аддзел навін bel 14 ліпеня 2025, 09:48

Wargaming закрыла адзін з праектаў

Wargaming абвясціла аб закрыцці Steel Hunters — бясплатнага extraction-шутара, які выйшаў у раннім доступе ў красавіку.

Распрацоўшчыкі патлумачылі, што працяг праекта стаў немагчымым. Серверы будуць актыўныя да 8 кастрычніка.

У бліжэйшыя тыдні геймерам паабяцалі магчымасць ствараць уласныя матчы, для ўсіх будуць адкрытыя ўсе персанажы, уключаючы раней недаступных, і будзе праведзены развітальны турнір.

Верагодна, Steel Hunters не змагла зацікавіць гульцоў. Па дадзеных партала mmo13, за апошні месяц пікавы анлайн толькі некалькі разоў перавышаў адзнаку ў 200 чалавек. У Steam гульня атрымала рэйтынг у 57%: карыстальнікі скардзіліся на «сырасць», недахоп кантэнту, слабую аптымізацыю і іншае.