Николай Чикишев 4 красавіка 2024, 12:42

Warner Bros. здымае працяг «Матрыцы»

Кінастудыя Warner Bros. запусціла вытворчасць пятай часткі франшызы. Папярэдняя — «Матрыца: Уваскрашэнне» — выйшла ў 2021 годзе.

Пакінуць каментарый

Кінастудыя Warner Bros. запусціла вытворчасць пятай часткі франшызы. Папярэдняя — «Матрыца: Уваскрашэнне» — выйшла ў 2021 годзе.

Рэжысёрам і сцэнарыстам фільма выступіць Дру Годард, вядомы па такіх карцінах, як «Хаціна ў лесе» і «Нічога добрага ў гатэлі «Эль Раяль». Таксама ён удзельнічаў у стварэнні «Вайны светаў Z» і «Марсіяніна». У студыі падкрэслілі, што Годард збіраецца падысці да франшызы з «унікальнага пункта гледжання».

Пра акцёрскі склад карціны пакуль нічога невядома, незразумела, ці вернуцца Кіану Рыўз і Кэры-Эн Мос да роляў Неа і Трыніці. Выканаўчай прадзюсаркай выступіць адная з пастаноўшчыц арыгінальнай трылогіі Лана Вачоўскі. Папярэдняя частка серыі «Матрыца: Уваскрашэнне» выйшла ў снежні 2021 года.