Абраны прэзідэнт ЗША разглядае план, які можа адтэрмінаваць забарону TikTok у ЗША, што дасць кампаніі больш часу для ўкладання ўгоды з амерыканскім пакупніком з мэтай захавання папулярнай праграмы.
Абраны прэзідэнт ЗША разглядае план, які можа адтэрмінаваць забарону TikTok у ЗША, што дасць кампаніі больш часу для ўкладання ўгоды з амерыканскім пакупніком з мэтай захавання папулярнай праграмы.
Паводле даных The Washington Post, прапанаваны выканаўчы ўказ будзе накіраваны на тое, каб дазволіць амерыканскім карыстальнікам TikTok працягваць выкарыстоўваць праграму на працягу пэўнага перыяду часу, пакуль адміністрацыя вырашае пытанне пра патэнцыйнага пакупніка. Цяпер аўдыторыя праграмы ў ЗША налічвае каля 170 мільёнаў карыстальнікаў.
Кангрэсмен Майкл Уолц, якога Трамп абраў на пасаду дарадцы па нацыянальнай бяспецы, заявіў, што Трамп «з2біраецца захаваць» TikTok, але таксама абараніць звесткі карыстальнікаў. Уолц падкрэсліў, што Трамп лічыць TikTok «выдатнай платформай», якая дапамагла яму ў часе яго выбарчай кампаніі, але ён не хоча, каб кітайскі ўрад меў доступ да даных амерыканскіх карыстальнікаў.
Аднак прафесар права Універсітэта Мінесоты Алан Разенштэйн заявіў, што выканаўчыя ўказы «не з’яўляюцца чароўнымі дакументамі», якія могуць спыніць забарону. Паводле яго слоў, TikTok усё роўна будзе забаронены, і Apple і Google будзе па-ранейшаму незаконна весці з ім бізнэс. На думку Разенштэйна, указ Трампа проста зробіць намер прэзідэнта не забяспечваць выканання закона больш афіцыйным.
Закон, падпісаны прэзідэнтам Байдэнам, патрабуе ад ByteDance продажу TikTok амерыканскай кампаніі або спынення дзейнасці ў ЗША да 19 студзеня 2025 года. Байдэн можа падоўжыць тэрмін на 90 дзён, калі ByteDance дасягне прагрэсу ў працэсе продажу, але гэта з’яўляецца малаверагодным, паколькі кампанія не зацікаўленая ў продажы.
Рэлацыраваліся? Цяпер вы можаце каментаваць без верыфікацыі акаўнта.