Аднойчы Ілан Маск амаль на гадзіну спазніўся на ўсеагульны сход у SpaceX, а праз 15 хвілін няскладнай прамовы слова ў яго забрала прэзідэнтка Гвін Шотвэл. Паводле паведамлення Wall Street Journal, у той момант кіраўніцтва касмічнай кампаніі занепакоілася, што яе гендырэктар ужывае наркотыкі.
Аднойчы Ілан Маск амаль на гадзіну спазніўся на ўсеагульны сход у SpaceX, а праз 15 хвілін няскладнай прамовы слова ў яго забрала прэзідэнтка Гвін Шотвэл. Паводле паведамлення Wall Street Journal, у той момант кіраўніцтва касмічнай кампаніі занепакоілася, што яе гендырэктар ужывае наркотыкі.
На сустрэчы планавалася абмяркоўваць распрацоўку прататыпа ракеты Big Falcon Rocket. Але, паводле слоў аднаго з менеджараў, тое, што прамаўляў Маск перад супрацоўнікамі, было плынню ненармальнай бязглуздзіцы і выклікала сорам і збянтэжанасць. Тады ў справу ўмяшалася Шотвэл.
Юрыст Маска сказаў выданню, што апісанне яго крыніцай таго мітынгу не адпавядае рэчаіснасці.
Суразмоўцы выдання сцвярджаюць, што бізнэсовец прымае ЛСД, какаін, экстазі і кетамін. З гэтай ягонай прыхільнасцю і непрадказальнымі паводзінамі даводзіцца мець справу кіраўніцтву і акцыянерам яго кампаній.
Напрыклад, у SpaceX выкарыстанне забароненых рэчываў можа паставіць пад пагрозу дзяржзаказы на мільярды долараў. Акрамя таго, прыхільнасць Маска можа каштаваць кампаніі актываў інвестараў амаль на $1 трлн, прыкладна 13 тысяч працоўных месцаў і будучага амерыканскай касмічнай праграмы.
Раней з’яўляліся паведамленні аб тым, што Маск ужывае кетамін ад дэпрэсіі, што выклікала трывогу ў сяброў праўлення яго кампаній. Некалькі гадоў таму выбухнуў скандал, калі Маск курыў марыхуану ў эфіры падкаста Джо Рогана. Пасля гэтага NASA запатрабавала ад SpaceX пісьмовых гарантый, што ў кампаніі будуць выконвацца федэральныя абмежаванні на ўжыванне наркотыкаў на працоўным месцы. Таксама, паводле слоў суразмоўцаў WSJ, там сталі выкарыстоўвацца сабакі, навучаныя выяўленню наркотыкаў.
Узаемаадносіны Маска з наркотыкамі гнятуць і кіраўніцтва Tesla. Адная з дырэктарак, Лінда Джонсан Райс, праз гэта нават не стала пераабірацца ў праўленне. У некаторых яе калег падазрэнні аб праблемах Маска з рэчывамі з’явіліся пасля таго, як у 2018 годзе ён запосціў твіт аб куплі кампаніі. Акцыянеры былі ў шоку, а камісія па каштоўных паперах і біржах ЗША запусціла расследаванне. Маск быў вымушаны пакінуць пасаду старшыні рады дырэктараў Tesla і выплаціць $40 млн штрафаў.
Прадпрымальнік ужо адрэагаваў на публікацыю ў Х. Ён напісаў, што наступныя тры гады пасля падкаста Рогана на патрабаванне NASA праходзіў праверку на наркотыкі — і быў крышталёва чысты.
Рэлацыраваліся? Цяпер вы можаце каментаваць без верыфікацыі акаўнта.