Сацыяльная сетка разглядае магчымасць выдалення дат публікацый са стужкі і ўвядзення платы за рэгістрацыю для новых карыстальнікаў. Гэтыя змены могуць істотна паўплываць на функцыянальнасць платформы і ўзмацніць праблемы з дэзынфармацыяй.
Сацыяльная сетка разглядае магчымасць выдалення дат публікацый са стужкі і ўвядзення платы за рэгістрацыю для новых карыстальнікаў. Гэтыя змены могуць істотна паўплываць на функцыянальнасць платформы і ўзмацніць праблемы з дэзынфармацыяй.
Паводле даных Fortune, Ілан Маск прапанаваў супрацоўнікам X вывучыць магчымасць схаваць даты і час публікацый у стужцы. Гэтая прапанова тычыцца толькі стужкі: калі адкрыць публікацыю, дата і час стварэння будуць бачныя.
Бізнэсовец лічыць, што гэта палепшыць карыстальніцкі інтэрфейс. Аднак некаторыя супрацоўнікі Х лічаць, што гэта пагоршыць праблемы з дэзынфармацыяй, так як карыстальнікі часта праглядаюць стужку мімаходам, не адкрываючы кожнай публікацыі.
Акрамя таго, X плануе ўвесці плату за рэгістрацыю для ўсіх новых карыстальнікаў. Плата можа быць уведзеная ўжо ў лютым 2025 года. Яна складзе $8, пры гэтым карыстальнік атрымае месячную падпіску X Premium. Гэты план накіраваны на барацьбу з ботамі.
Падобная сістэма ўжо тэсціруецца ў Новай Зеландыі і на Філіпінах, дзе новыя карыстальнікі павінны заплаціць $1 за гадавую падпіску, інакш яны могуць толькі чытаць публікацыі.
Рэлацыраваліся? Цяпер вы можаце каментаваць без верыфікацыі акаўнта.