Сервіс Атласбас запусціў паслугу «стыкоўка», якая спрашчае пошук аўтобусных рэйсаў і планаванне перасадак, калі прамога злучэння паміж двума патрэбнымі кропкамі няма. Цяпер практычна па любым маршруце ў Беларусі і не толькі можна забраніраваць паездку літаральна ў пару клікaў, адзначаюць распрацоўшчыкі.
Сервіс Атласбас запусціў паслугу «стыкоўка», якая спрашчае пошук аўтобусных рэйсаў і планаванне перасадак, калі прамога злучэння паміж двума патрэбнымі кропкамі няма. Цяпер практычна па любым маршруце ў Беларусі і не толькі можна забраніраваць паездку літаральна ў пару клікaў, адзначаюць распрацоўшчыкі.
Пасажыру трэба выбраць пачатковую і канечную кропку падарожжа. Калі на гэтым напрамку няма прамога рэйса, сістэма сама падбірае найбольш зручны варыянт паездкі з адной або некалькімі перасадкамі. Напрыклад, пры паездцы з Магілёва або Віцебска ў Гродна трэба будзе перасесці з аднаго аўтобуса ў другі ў Мінску.
Перасадка часцей за ўсё на адной і той жа лакацыі, напрыклад, на аўтавакзале, але калі пасажыру давядзецца змяніць прыпынак, то яшчэ на стадыі пакупкі квітка ён атрымае дадатковае апавяшчэнне. Сістэма выбірае блізкія па часе рэйсы, каб чаканне не было доўгім — звычайна ад 30 хвілін да некалькіх гадзін.
За адзін клік афармляюцца два білеты (на кожны рэйс асобна), але аплаціць іх можна адным плацяжом. На многіх маршрутах даступная опцыя пакупкі квітка туды і назад.
Цяпер даступныя каля 1500 варыянтаў стыковак, прычым не толькі з вялікіх гарадоў. Напрыклад, з вёскі Бершты ў Шчучынскім раёне можна ў адзін клік забраніраваць паездку ў большасць райцэнтраў Гродзенскай вобласці і нават у Брэст, Баранавічы, Пінск — і нават у аэрапорт Варшавы. Стыкоўкі працуюць і для міжнародных рэйсаў — ёсць маршруты накшталт Горкі-Познань, Брэст-Вільнюс і Масква-Варшава з перасадкай у Мінску.
Рэлацыраваліся? Цяпер вы можаце каментаваць без верыфікацыі акаўнта.