Даследчык Джэйкаб Коксан звольніўся з Anthropic і абвінаваціў кампанію і OpenAI ў безадказнай гонцы да звышінтэлекту. Паводле яго, абедзве лабараторыі разумеюць рызыкі, але працягваюць паскараць распрацоўку ШІ.
Даследчык Джэйкаб Коксан звольніўся з Anthropic і абвінаваціў кампанію і OpenAI ў безадказнай гонцы да звышінтэлекту. Паводле яго, абедзве лабараторыі разумеюць рызыкі, але працягваюць паскараць распрацоўку ШІ.
«Ніводная з кампаній не дзейнічае адказна. Яны нясуцца проста да самаўдасканальвальнага звышінтэлекту і ставяць на кон нашыя жыцці», — напісаў Коксан у X.
I resigned from Anthropic today. I spent the last three years doing pretraining research at both OpenAI and Anthropic. Neither company is acting responsibly. They are racing straight to self-improving superintelligence and gambling with our lives. More thoughts below.
— Jacob Coxon (@hilbertspaess) September 9, 2026
Даследчык тры гады займаўся папярэднім навучаннем мадэляў у OpenAI і Anthropic. З 2023 года па ліпень 2026-га ён працаваў у OpenAI, у тым ліку над GPT-4o, а потым перайшоў у Anthropic.
Коксан сцвярджае, што кіраўнікі і вядучыя даследчыкі ШІ-кампаній публічна змякчаюць фармулёўкі, хоць у прыватных размовах выказваюць значна сур’ёзнейшыя асцярогі. «Людзі, якія ствараюць ШІ, шчыра вераць, што ён можа забіць нас усіх да канца дзесяцігоддзя. Гэта не маркетынгавы трук», — напісаў ён.
Паводле Коксана, у OpenAI многія супрацоўнікі яшчэ не да канца ўсвядомілі маштаб магчымых наступстваў, а ў Anthropic рызыкі добра разумеюць, але лічаць неабходным выйграць гонку першымі, бо не давяраюць іншым кампаніям.
З ім пагадзіўся дзеючы супрацоўнік Anthropic Эван Х’юбінгер, які ўзначальвае каманду стрэс-тэставання выраўноўвання мадэляў. «Джэйкаб мае рацыю — мы сапраўды шчыра верым, што ШІ можа забіць усіх людзей. Асабіста я ацэньваю верагоднасць гэтага больш чым у 10% на працягу наступнага дзесяцігоддзя», — напісаў Х’юбінгер.
Коксан стаў чарговым даследчыкам, які пакінуў вядучую ШІ-лабараторыю праз асцяроги адносна бяспекі. У 2024 годзе былы кіраўнік напрамку выраўноўвання OpenAI Ян Лейке заявіў, што культура і працэсы бяспекі адышлі на другі план дзеля «бліскучых прадуктаў». У лютым 2026 года даследчык Anthropic Мрынанк Шарма таксама звольніўся, спаслаўшыся на цяжкасці з захаваннем задэкляраваных каштоўнасцяў кампаніі.
Рэлацыраваліся? Цяпер вы можаце каментаваць без верыфікацыі акаўнта.