Крыптавалютная біржа Bitget абмежавала доступ карыстальнікам з Беларусі і Расіі. Такі апдэйт ад 16 кастрычніка ў яе пагадненні з карыстальнікамі заўважыў партал «Беларусы і рынак». Доступ да зарэгістраваных у гэтых краінах акаўнтаў закрыюць 21 кастрычніка.
Акрамя таго, у спіс уваходзяць Казахстан, Аўстрыя, Германія, Канада, Сінгапур, ЗША, Японія і шэраг іншых краін і тэрыторый — напрыклад, Крым, Данецк і Луганск. У пагадненні асобна прапісана забарона на абыход геаграфічных абмежаванняў з дапамогай VPN.
Абмежаванні не датычацца ўсіх карыстальнікаў. Тых, каго яны закрануць, Bitget будзе апавяшчаць у індывідуальным парадку. Такія карыстальнікі з 18 кастрычніка не змогуць праводзіць новыя ўгоды, а да 21 кастрычніка мусяць будуць закрыць гандлёвыя пазіцыі і вывесці сродкі.
Біржа пакідае за сабой права самастойна закрываць пазіцыі карыстальнікаў, абмяжоўваць вывад сродкаў і пры пэўных акалічнасцях канвертаваць іх актывы ў іншыя крыптавалюты.
Bitget зарэгістравана на Сейшэльскіх астравах. Яе міжнародная штаб-кватэра знаходзіцца ў Сінгапуры.
Релоцировались? Теперь вы можете комментировать без верификации аккаунта.