У Маскве з’явілася беларуска-расійскае прадпрыемства «Роблекс». Яно будзе займацца развіццём вадароднай і беспілотнай кар’ернай тэхнікі ў суседняй краіне, паведамляе БелТА са спасылкай на БЕЛАЗ. Да праекта таксама датычныя беларуская ІТ-кампанія «ІнДэв Сал’юшэнс» і расійская «РТ-Развіццё бізнесу», якая ўваходзіць у дзяржкарпарацыю «Растэх».
У Маскве з’явілася беларуска-расійскае прадпрыемства «Роблекс». Яно будзе займацца развіццём вадароднай і беспілотнай кар’ернай тэхнікі ў суседняй краіне, паведамляе БелТА са спасылкай на БЕЛАЗ. Да праекта таксама датычныя беларуская ІТ-кампанія «ІнДэв Сал’юшэнс» і расійская «РТ-Развіццё бізнесу», якая ўваходзіць у дзяржкарпарацыю «Растэх».
Новае прадпрыемства забяспечыць поўнае суправаджэнне інавацыйных рашэнняў: укараненне вадародных і беспілотных кар’ерных самазвалаў на расійскім рынку, стварэнне неабходнай інфраструктуры, адаптацыю і суправаджэнне ІТ-рашэнняў, сервіснае суправаджэнне, уключаючы навучанне, тэхпадтрымку, мадэрнізацыю ПЗ і абсталявання.
Беларусы сканцэнтруюцца на вытворчасці самазвалаў і распрацоўцы спецыялізаванага софту, а расіяне — на інтэграцыі інавацыйных рашэнняў на прадпрыемствах горназдабыўной галіны. Плануецца стварыць адзіную платформу для развіцця і ўкаранення тэхналогій ШІ, тэлеметрыі і вадароднай энергетыкі.
У БЕЛАЗе назвалі адкрыццё «Роблекса» «фундаментальным крокам да тэхналагічнага суверэнітэту нашых дзяржаў». «Наша агульная задача — прапанаваць рынку не проста тэхніку, а інтэлектуальную экасістэму. Беспілотныя тэхналогіі і вадародная энергетыка, якія мы ўкараняем, стануць ключом да кардынальнага зніжэння выдаткаў і павышэння бяспекі ў горназдабыўной галіне», — кажуць у БЕЛАЗе.
У «РТ-Развіццё бізнесу» сказалі, што «„Роблекс“ — гэта кампанія з перадавымі міжнароднымі тэхналогіямі і велізарным экспартным патэнцыялам». Там упэўненыя, што яно прыцягне ўвагу не толькі на расійскім, але і на сусветным рынку.
БелТА са слоў гендырэктара «ІнДэв Сал’юшэнс» Алега Белякова піша, што доля айчыннага кода ў праекце — 100%, і гэта крытычна важна для імпартанезалежнасці. «Менавіта таму наша распрацоўка ўжо сёння запатрабаваная ў краінах СНД: горназдабыўныя прадпрыемствы шукаюць надзейныя, бяспечныя і маштабаваныя рашэнні без прывязкі да заходніх вендараў. Сумеснае прадпрыемства з БЕЛАЗам і „РТ-Развіццё бізнесу“ дазваляе закрыць гэтую патрэбу сістэмна — ад ПЗ да інфраструктуры і сэрвісу», — адзначыў ён.
Релоцировались? Теперь вы можете комментировать без верификации аккаунта.