Николай Чикишев world 29 верасня 2025, 10:30

YouTube Music дадаў у плэйлісты ШІ-вядучых

Сэрвіс запускае эксперымент з ШІ-вядучымі ў аплікацыі Youtube Music. Паводле задумы распрацоўшчыкаў, віртуальныя вядучыя будуць дадаваць свае каментары ў плэйлісты і пры праслухоўванні радыё.

Пакінуць каментарый

YouTube Music дадаў у плэйлісты ШІ-вядучых

Сэрвіс запускае эксперымент з ШІ-вядучымі ў аплікацыі Youtube Music. Паводле задумы распрацоўшчыкаў, віртуальныя вядучыя будуць дадаваць свае каментары ў плэйлісты і пры праслухоўванні радыё.

Функцыя атрымала назву Beyond the Beat і задуманая як аналаг радыёвядучага, які жартуе або дзеліцца цікавымі дэталямі паміж песнямі. У адрозненне ад Spotify DJ, Youtube-робат не складае ўласныя плэйлісты, але выкарыстоўвае генератыўны ШІ для кароткіх уставак.

У кампаніі прызнаюць, што такі падыход нясе рызыкі галюцынацый і няякаснага кантэнту, аднак разлічваюць, што ён зробіць праслухоўванне больш жывым. Новая функцыя даступная праз праграму Youtube Labs, якая павінна паказваць карыстальнікам прататыпы будучых магчымасцяў.

Пасля падключэння да Youtube Labs у аплікацыі Youtube Music з’явіцца новая кнопка з лагатыпам Gemini. Яна дазволіць часова адключаць каментарыі на гадзіну ці да канца дня. Цалкам прыбраць ШІ-вядучага нельга — толькі выйсці з праграмы тэставання. Зараз доступ да функцыі адкрыты абмежаванай колькасці карыстальнікаў у ЗША.

Youtube адзначае, што частата ўключэнняў віртуальнага вядучага можа змяняцца па меры таго, як кампанія збірае водгукі і ацэньвае рэакцыю слухачоў. Пакуль гэта адзіны эксперымент у Labs, але ў будучыні Google абяцае дадаць больш функцый.

Адначасова Youtube пашырыў даступнасць іншых ШІ-магчымасцяў. Напрыклад, функцыя «jump ahead», якая з дапамогай алгарытмаў перамяшчае гледача да самага цікавага фрагмента ролiка, цяпер даступная не толькі на мабільных прыладах, але і на ТБ і гульнявых кансолях.