Youtube стварыў чат-бота для аднаўлення ўзламаных акаўнтаў

Асістэнт будзе задаваць карыстальніку некалькі пытанняў адносна яго канала, а затым адновіць доступ да акаўнта і скасуе ўнесеныя змены. Пасля гэтага можна будзе наладзіць дадатковыя ўзроўні абароны канала.

Аўтары каналаў пастаянна крытыкавалі платформу праз тое, што са службай падтрымкі Youtube практычна немагчыма звязацца пры ўзнікненні праблем з акаўнтам. Часта служба адказвае толькі аўтарам з найбуйнейшымі аўдыторыямі, якія ўдзельнічаюць у партнёрскай праграме, і ігнаруе іншых аўтараў.

Інструмент знаходзіцца на старонцы падтрымкі Google, пакуль ён даступны толькі на англійскай мове, некаторыя функцыі асістэнта з’явяцца пазней. Раней Youtube дазволіў карыстальнікам запытваць выдаленне кантэнту, створанага пры дапамозе штучнага інтэлекту. Таксама кампанія дазволіла падаваць запыты на генератыўны кантэнт, які імітуе твар або голас карыстальнікаў.