У 38-гадовай экс-распрацоўшчыцы софта Тэбі Тоні адбыўся нетыповы разварот кар’еры: яна трапіла пад звальненне і пайшла ў рабочую прафесію — у многім праз тое, як ШІ пачаў змяняць рынак працы. Праз год яна кажа, што ні разу не пашкадавала.
У 38-гадовай экс-распрацоўшчыцы софта Тэбі Тоні адбыўся нетыповы разварот кар’еры: яна трапіла пад звальненне і пайшла ў рабочую прафесію — у многім праз тое, як ШІ пачаў змяняць рынак працы. Праз год яна кажа, што ні разу не пашкадавала.
Тоні звольнілі ў мінулым траўні, і спачатку яна злавалася на індустрыю. Ёй падабалася працаваць у ІТ, вырашаць інтэлектуальныя задачы і пастаянна нешта прыдумваць. Але па меры таго, як ШІ пачаў змяняць рынак, а кампаніі — масава скарачаць людзей, ёй стала здавацца, што гэты кампанент прафесіі паступова знікае. Яна вырашыла ўзяць на месяц паўзу, перш чым шукаць новую працу.
Тым часам пад руку трапіла сямейнае зварачнае абсталяванне. У дзяцінстве Тоні часта праводзіла час у гаражы ў дзядулі, дзе ён разам з яе бацькам займаўся зваркай, і вырашыла паспрабаваць сама — проста каб адцягнуцца. Да ейнага здзіўлення, ёй вельмі спадабалася. Пачынаць новую кар’еру яна не планавала, але на фоне пастаянных звальненняў у ІТ адчування стабільнасці ў галіне ў яе таксама не было.
Дзяўчына пачала браць невялікія заказы, рабіць зварку для знаёмых і паралельна шукаць курсы. Потым падала заяўкі ў некалькі навучальных праграм і трапіла на паскораны курс для дарослых: 40 гадзін у тыдзень, 5 месяцаў навучання — праграма спецыяльна была збудавана так, каб як мага хутчэй выпусціць людзей на рынак. Курс каштаваў каля $3 тысяч, але частку сумы пакрылі стыпендыі і ахвяраванні кампаній для студэнтаў, якія змяняюць прафесію.
Навучальны цэнтр супрацоўнічаў з мясцовымі кампаніямі, дапамагаў рыхтавацца да сумоўяў, праводзіў пробныя інтэрв’ю — так Тоні знайшла свайго цяперашняга працадаўца. Пасля сустрэчы падчас вучобы кампанія сама з ёй звязалася, яна прайшла звычайнае сумоўе і атрымала працу. Вучобу яна скончыла ў сярэдзіне снежня, а ўжо ў першы тыдзень студзеня выйшла на працу. Усё адбылося нашмат хутчэй, чым яна чакала.
Цяпер яна працуе зваршчыкам — прыварвае мацаванні і элементы кшталту трымальнікаў для лесвіц да апор ліній электраперадач. Графік — змена 12 гадзін, 3 дні працы і 4 выходных. У пачатку змены яна атрымлівае чарцяжы і канкрэтную апору і працуе з ёй, пакуль не скончыць. Часам на адну сыходзіць дзень, часам некалькі, калі на апоры больш за сотню мацаванняў.
Праца аказалася нашмат складаней, чым яна думала, але галоўны сюрпрыз — наколькі ёй на самай справе падабаецца і як хутка праходзіць дзень. Старэйшыя зваршчыкі шмат дапамагаюць, і атмасфера ў брыгадзе аказалася вельмі падтрымліваючай. Часам Тоні сумуе па ІТ — у асноўным праз бытавыя рэчы: у цэху няма кандыцыянера, і калі вельмі горача або вельмі холадна, яна ўспамінае офісы і дыстанцыйную працу. Але ў астатнім яна вельмі рада, што сышла з індустрыі менавіта ў той момант, калі сышла.
Самае складанае аказалася ў заробку. Распрацоўшчыцай на рэмоуце яна атрымлівала каля $130 тысяч у год. Цяпер ейная стаўка — $25 у гадзіну, гэта значыць каля $52 тысяч у год.
Галоўная змена для яе не ў працы, а ў адчуванні стабільнасці. Пасля першага звальнення з ІТ на кожнай новай працы яна пастаянна перажывала, як справы ў кампаніі і ці не будзе новых скарачэнняў. Нават калі ў кампаніі было ўсё добра, усё роўна была пастаянная трывога. Цяпер, прыходзячы на змену, яна бачыць, колькі стаіць заказаў, і разумее, колькі працы наперадзе. Кажа, гэта дае ёй нашмат больш спакою, чым любая папярэдняя праца.
Релоцировались? Теперь вы можете комментировать без верификации аккаунта.