«За 2 гады — х9». Як айцішнікі рэзка вырасцілі зп у крызіс

х2

$1100 — $2500. «Горка, што кампанія, у якой я працавала 4+ гады, мяне не шанавала»

Аліна, гейм-дызайнер, сеньёр, Беларусь:

— На пачатак 2023 года мой заробак складаў $1100 і не падымаўся на той момант ужо год як. Таму на рэв’ю з кіраўніком я заўважыла, што мне пара б павысіць узнагароджанне.

Папярэдне я даследавала рынак вакансій, параілася з калегамі на такіх жа пазіцыях, папашукала па закутках памяці — і падбіла свае дасягненні і карысць, якую прыношу прадукту. Усё паказвала на тое, што спецыяліст майго ўзроўню мае атрымліваць ніяк не менш за $1500.

Нашая размова ішла ў духу: «Давай ты папрацуеш больш цяпер, а аплачваць тваю працу па-чалавечы мы пачнем калі-небудзь потым».

Таму я папярэдзіла, што буду разглядаць прапановы  працы, — на што кіраўнік адрэагаваў лаяльна.

Не сказаць, каб я вельмі старанна шукала працу: у поле зроку былі кампаніі, якія спецыялізуюцца на гульнях у тым жа жанры, — так што я ведала, куды стукацца. У дзвюх з іх адразу знайшла пазіцыі, якія мяне цікавілі, і адгукнулася. Яшчэ адная прапанова прыйшла ад рэкруцёра, ён напісаў мне крыху пазней.

Я абдумала наперад, чаго канкрэтна хачу: вывучыла рынак, прыкінула прыкладны дыяпазон па маёй спецыяльнасці + патрабаванні да самой працы (не хацелася ўціскацца па спектры выконваных работ, каб не дэградаваць і не засумаваць).

Я прайшла сумоўі, выканала тэставыя заданні і амаль адначасова атрымала два оферы. Дамовілася ў сваёй кампаніі пра адпачынак — і вырашыла не спяшаючыся параўнаць умовы. Трэці офер падаспеў крыху пазней, так што мне было над чым падумаць.

З аднаго боку я ўзрадавалася такому павышэнню заробку, ды яшчэ і ў крызісныя часы, з другога — стала горка ад таго, што кампанія, у якой я працавала больш за чатыры гады, мяне не шанавала.

Пасля выпрабавальнага тэрміну без дадатковых просьбаў з майго боку на новым месцы працы да маёй зарплаты накінулі яшчэ $500, так што можна зрабіць выснову, што мой выбар быў зроблены правільна.

$3000 — $5900. «Не можаш падабраць словы, папрасі больш грошай — яны адмовяць. Я так і зрабіла»

Мая, франтэнд-распрацоўшчыца, сеньёр, Польшча:

— Мінулай вясной атрымалася павысіць свой заробак прыкладна ў 2 разы — з $3000 брута да $5900 брута. Пацешная выйшла гісторыя. 

Я тады ўжо жыла ў Польшчы і працавала на кампанію з беларускімі каранямі, сыходзіць не збіралася — мяне ўсё задавальняла. Але ў LinkedIn мяне знайшла рэкруцёрка і прапанавала вакансію ў амерыканскай кампаніі: нічога асабліва цікавага для мяне не было, дыяпазон прапаноўвалі амаль такі ж, як мая зарплата на той момант, праект не такі ўжо цікавы. Але мяне прыцягнулі сумоўі на англійскай, я падумала, што гэта выдатная трэніроўка, а бонус — можна пабалбатаць з носьбітамі мовы.

Прыкладна праз тыдзень мне напісала рэкруцёрка з прапановай. Першапачатковая цана пытання была крыху вышэйшай, ніж мая зарплата на той момант. Складаючы ветлівую адмову, я вырашыла параіцца з мужам, ці дастаткова мой тэкст «паліткарэктны», на што ён адказаў: «Калі не можаш падабраць словы, проста папрасі больш грошай — і яны самі адмовяць».

Я так і зрабіла, запрасіла ў 2 разы больш, ніж іх дыяпазон, і вырашыла, што тэма закрытая і мне дашлюць ветлівае: «Прабачце, вы нам не падыходзіце». Але раніцай знайшла на пошце офер.

x2,5

$1200 — $3000. «Таварыш паклікаў у банк і сказаў, што сам атрымлівае там у 2,5 разы больш»

Алег, System engineer / DevOps, мідл, Беларусь:

— Пачаў атрымліваць x2,5, калі ўладкаваўся ў ВТБ-банк. Мяне туды «падцягнуў» таварыш — летам мінулага года ён страціў billable-пазіцыю на праекце ў EPAM і стаў атрымліваць $200. Тады ён сышоў з кампаніі.

У мяне ў EPAM была billable-пазіцыя, узровень — як у прыяцеля. У лістападзе ён паклікаў да сябе ў банк і сказаў, што сам атрымлівае там у 2,5 разы больш. І я пагадзіўся. Працую аддалена, бо офіс знаходзіцца ў Мінску, а я жыву ў іншым горадзе.

х3

€2800 + €5000. «Пабаяўся адразу сыходзіць са старой працы. Так і застаўся на дзвюх»

Канстанцін, фулстэк-распрацоўшчык, сеньёр, Польшча:

— У нас з жонкай нарадзілася дзіця, заробку ў €2800 перастала хапаць. Таму ў лютым мінулага года я вырашыў: трэба шукаць новую працу.

Адгукнуўся на некалькі апошніх запытаў у Linkedin, прайшоў тры сумоўі. У дзвюх кампаніях мне адмовілі, у трэцяй сказалі: не дацягваеш, але лепш за цябе ўсё роўна не знайшлося — згодныя. Паабяцалі заробак у €5000. 

Але я пабаяўся адразу сыходзіць са старой працы, раптам новы праект не спадабаецца. І ў выніку так і застаўся на дзвюх працах. Абодва праекты лёгкія, сумяшчаць не праблема. А па даходах — амаль x3.

Тэмп працы ў абедзвюх кампаніях размераны, і я паспяваю выканаць усе задачы хутчэй, ніж калегі з той жа Індыі. У выходныя я ніколі не працую. Бывае, у будні сяджу больш за звычайныя восем гадзін. Самае складанае — калі мітынгі на розных працах прызначаюць адначасова. Але такое бывае рэдка, і ў крайнім выпадку я нахабна хлушу, што не магу прыйсці, прыкрываючыся маленькім дзіцем.

$1200 — $3000. «На патрабаванне заказчыка трэба было ўладкавацца ў мінскую „дачку“ расійскага холдынгу»

Анастасія, сістэмны аналітык, сеньёр, Беларусь:

— За апошнія паўгода павялічыла свой даход у х3. 

У маі 2023 звольнілася з беларускай кампаніі з пазіцыі middle BA/SA — да канца верасня адпачывала, бо шмат у якіх кампаніях сезон адпачынкаў. У кастрычніку выйшла на працу (спачатку — на бэнч) у расійскі холдынг на пазіцыю middle+ з заробкам х2 (у мяне было $1200 у беларускіх па курсе, а стала — 2500). 

У мяне была дамова ГПХ: па ёй ты сам плаціш падатак у Беларусі. Ну і так, звыклых бенефітаў не меркавалася. Але ўжо ў сярэдзіне снежня мне знайшлі праект — і на патрабаванне заказчыка трэба было ўладкавацца ў мінскую «дачку». У сярэдзіне студзеня я выйшла на пазіцыю senior (я вузкапрофільны спецыяліст), мой заробак вырас х3 да майскага — амаль $4000 на рукі ў беларускіх па курсе (не лічачы гадавых бонусаў), і плюс цяпер у мяне велізарны набор бенефітаў.

х3,5

$300 — $1150. «Заробак быў смешны — пачынаў з $300 на стажыроўцы. Але за 11 месяцаў вырас» 

Арцём, Python-распрацоўшчык, джуніяр, Беларусь:

— Старт маёй кар’еры ў якасці Junior Python Developer прыпаў на студзень мінулага года. Заробак быў смешны — я пачынаў з $300 на стажыроўцы. Але за 11 месяцаў у мяне атрымалася вырасці х3,5. 

Кампанія тая ж. Некалькі разоў я сам падымаў пытанне аб павышэнні зарплаты, апошні раз гэта была ініцыятыва кіраўніка. У працэсе прыйшлося шмат вучыцца і нават сысці ў Data Engineering, бо паўстала неабходнасць пабудовы DWH у кампаніі для аналітыкі. На бягучы момант я адказваю за распрацоўку і падтрымку ETL у кампаніі, плюс трохі бэкэнд.

х9

«Яшчэ два гады таму атрымліваў як джун каля $500, цяпер „бруднымі“ — $4500»

Арцём, Fullstack QA, мідл, займаецца ў тым ліку devOps-задачамі і франтэндам, Польшча:

— Яшчэ два гады таму атрымліваў як джун блізу $500, цяпер «бруднымі» — $4500.

Да пачатку поўнамаштабнай вайны я працаваў на аўтсорс у Беларусі як Test Automation. Як і многія, пераехаў у іншую краіну. Нягледзячы на агульную «замарозку», у кампаніі мне нават заробак паднялі — да $1000 прыкладна.

Але, вядома ж, гэтай сумы на сям’ю з двух чалавек хапала ўпрытык. А ў нас з жонкай былі планы пераехаць у Польшчу — так што за найбліжэйшыя паўгода трэба было сабраць фінансавую «падушку». 

Стэкі на праектах былі розныя, таму пазней я смела запісаў гэты час у рэзюмэ за х2 па вопыту. А ў Польшчы ўладкаваўся ўжо на пазіцыю і заробак моцнага мідла. Сумоўі праходзіў з лёгкасцю, а дзе і не з лёгкасцю, то ўсё роўна атрымліваў офер або трапляў у вайтліст (бывае, што ў кампаніі няма праекта пад бягучы стэк, але калі з’яўляецца, яны патэлефануюць і зробяць спецыялісту з такога спіса офер без сумоўяў). 

Я выбіраў з пары офераў і спыніўся на больш складаным праекце цалкам на польскай мове (гэта было дадатковым выклікам для мяне і мелася спрыяць інтэграцыі ў новае асяроддзе і грамадства). Зарплата на маім новым праекце — каля $4500 па JDG.

Атрымліваецца, што за два гады я вырас х9: з $500 да $1000, затым — да $2500 на дзвюх працах, а цяпер вось — да $4500 на адной.

Чытачы, што для вас dev.by? 

• Месца сустрэчы з супольнасцю? 
• Крыніца навін пра ІТ Беларусі?
• Крыніца любых навін?
• Месца для дыскусіі?
• Пляцоўка для адукацыі і абмену досведам?
• Кар’ерны кансультант?
• Можа, усё пералічанае вышэй? А, можа, нешта іншае?

А хто вы для dev.by?

Супольнасць людзей, якая развівае беларускую ІТ-індустрыю і робіць яе поўнай таленавітых праектаў, цікавых дыскусій і навін. Мы тут, каб трымаць вас у курсе гэтых прыгод. dev.by для нас — гэта ўсё пералічанае вышэй, а яшчэ — праца. Падтрымайце нашую рэдакцыю!

Вашыя грошы даюць нам магчымасць выплачваць заробкі журналістам, менеджарам, распрацоўшчыкам, прадзюсарам — усім тым, хто робіць dev.by. Засапорціць нас можна: 

— Праз Patreon

— Праз Donorbox (калі вы ў Беларусі)

— Крыптой, тут гаманцы. 

Дзякуй!

Айцішнік адкрыў невялікую кампанію ў Мінску і зарабляе $10К+. Яго гісторыя і шкодныя парады

Па тэме

Айцішнік адкрыў невялікую кампанію ў Мінску і зарабляе $10К+. Яго гісторыя і шкодныя парады

«Пакуль усе вучылі Java, я выбраў іншае». Як 25-гадовы айцішнік выйшаў на 10К на месяц

Па тэме

«Пакуль усе вучылі Java, я выбраў іншае». Як 25-гадовы айцішнік выйшаў на 10К на месяц

Девопс получает 10К в Литве — работает в компании и ещё как ИП. До ночи

По теме

Девопс получает 10К в Литве — работает в компании и ещё как ИП. До ночи