Запрацавала і забаніла: парушальнікі правілаў Claude маглі прынесці Anthropic да $2,3 млрд

Разлік заснаваны на праспекце, які кампанія падала перад IPO. Паводле яго, плацяжы такіх кліентаў далі 5–7% выручкі, а ўсяго за дзевяць месяцаў Anthropic зарабіла $33,242 млрд. Кампанія тлумачыць, што выяўленне парушэнняў і меры супраць іх патрабуюць часу, таму да абмежавання доступу грошы такіх кліентаў улічваюцца ў выручцы.

Якія краіны і парушэнні стаяць за гэтай сумай, Anthropic не раскрывае. У вераснёвай справаздачы яна называла прыкметамі магчымых злоўжыванняў перапродаж доступу без дазволу і працу акаўнтаў з краінаў, у тым Расію, Кітай і Іран.

У жніўні і верасні Anthropic узмацніла кантроль за выкананнем правілаў. У кастрычніку расійскія і кітайскія карыстальнікі сутыкнуліся з масавымі блакіроўкамі акаўнтаў Claude. Кампанія папярэдзіла інвестараў, што гэтыя меры могуць ударыць па выручцы і тэмпах яе росту, аднак ацаніць маштаб загадзя не змагла.

Расійскія эксперты лічаць, што ўзмацненне праверак можа быць звязанае з падрыхтоўкай да выхаду на біржу. Блакіроўкі яны называюць «паказальнай поркай» і мяркуюць, што доступ з Расіі і Кітая захаваецца, бо Anthropic не зацікаўлена губляць карыстальнікаў, якія плацяць.

Вакол Claude вырас рынак пасярэднікаў. Паводле дадзеных The Information, яны аб’ядноўваюць акаўнты праз серверы па-за межамі Кітая і перадаюць праз іх запыты пакупнікоў. Прадавец з Шанхая расказаў выданню, што афармляе падпіскі па $200 у месяц і аплачвае іх картамі, якія папаўняюць праз стэйблкойн USDT, а калі Anthropic за ноч масава блакіруе карткі, камандзе даводзіцца тэрмінова шукаць новыя.

У сеціве расказалі пра прычыны блакіровак у Claude

Па тэме

У сеціве расказалі пра прычыны блакіровак у Claude