Аддзел навін 9 студзеня 2025, 11:59

Заробак у ІТ расце пяты месяц запар

Сярэдні заробак айцішнікаў у Беларусі ў рублях не спыняе росту. У лістападзе мінулага года ён стаў рэкордным за апошнія сем месяцаў.

5 каментарыяў

Сярэдні заробак айцішнікаў у Беларусі ў рублях не спыняе росту. У лістападзе мінулага года ён стаў рэкордным за апошнія сем месяцаў.

Паводле звестак афіцыйнай статыстыкі, у лістападзе сярэдні заробак у ІТ (да выплаты падаткаў) склаў 7424,5 рубля. У параўнанні з лістападам 2023 года ён вырасла на 7,2%, адносна кастрычніка 2024 года вырас на 3,0%.

Сярэдні заробак у ІТ расце пяты месяц запар. Больш за тое, лістападаўскі заробак — на другім месцы ў топе самых высокіх заробкаў у ІТ у 2024 годзе. Толькі ў сакавіку (за кошт гадавых бонусаў) сярэдні заробак айцішнікаў быў вышэйшы.

Як ужо адзначалася, рост сярэдняга заробку айцішнікаў у апошнія месяцы мінулага года можа быць звязаны ў тым ліку з ростам курса долара.

За апошнія некалькі месяцаў (ад жніўня да лістапада 2024 года) сярэдні курс долара вырас на 7,5% і склаў у лістападзе 3,3933 рубля. Па выніках снежня мінулага года сярэдні курс увогуле стаў рэкордным у 2024 — 3,4614. Такім чынам, верагодна, па выніках снежня мінулага года сярэдні заробак айцішнікаў у нацвалюце будзе яшчэ вышэйшы за лістападаўскі.

У замежнай валюце сярэдні заробак у ІТ па выніках лістапада склаў 2188 долараў (брута, па сярэднім курсе Нацбанка). Пры гэтым ён нязначна знізіўся як у параўнанні з лістападам 2023 года, так і ў параўнанні з кастрычнікам 2024 года.