Николай Чикишев world 21 ліпеня 2025, 12:14

Заспеты за здрадай кіраўнік ІТ-кампаніі падаў у адстаўку

Генеральны дырэктар амерыканскай ШІ-кампаніі Astronomer Эндзі Байран падаў у адстаўку пасля таго, як стаў героем віруснага скандалу на канцэрце гурта Coldplay.

1 каментарый

Заспеты за здрадай кіраўнік ІТ-кампаніі падаў у адстаўку

Генеральны дырэктар амерыканскай ШІ-кампаніі Astronomer Эндзі Байран падаў у адстаўку пасля таго, як стаў героем віруснага скандалу на канцэрце гурта Coldplay.

Відэа з арэны, дзе Байран апынуўся ў аб’ектыве камеры ў кампаніі кіраўніцы HR-дэпартамента Крысцін Кабот, набрала амаль 9 мільёнаў праглядаў у ціктоку і выклікала рэзананс у сацсетках. Адразу пасля інцыдэнту савет дырэктараў Astronomer паведаміў аб пачатку ўнутранага расследавання і часова адхіліў абодвух супрацоўнікаў ад працы.

19 ліпеня кампанія афіцыйна абвесціла аб адстаўцы Байрана. «Эндзі Байран падаў у адстаўку, і савет дырэктараў яе прыняў. Мы пачынаем пошук новага гендырэктара, пакуль сузаснавальнік і дырэктар па прадукту Піт ДэДжой будзе выконваць абавязкі генеральнага дырэктара», — гаворыцца ў заяве Astronomer.