Мала хто ведае, але Лінус Торвальдс мае незвычайнае хобі — ён паяе гітарныя педалі, якія надаюць розныя эфекты гучанню інструмента. На пачатку студзеня ён паабяцаў выбраць аднаго з распрацоўшчыкаў Linux, якому падорыць педаль ручной работы, але ў выніку абраў пяцярых «шчасліўчыкаў».
Мала хто ведае, але Лінус Торвальдс мае незвычайнае хобі — ён паяе гітарныя педалі, якія надаюць розныя эфекты гучанню інструмента. На пачатку студзеня ён паабяцаў выбраць аднаго з распрацоўшчыкаў Linux, якому падорыць педаль ручной работы, але ў выніку абраў пяцярых «шчасліўчыкаў».
Пра розыгрыш Торвальдс абвясціў у пастскрыптуме да аднаго са штотыднёвых пастоў пра стан гатоўнасці чарговай версіі ядра. Ахвотным атрымаць такую педаль трэба было даслаць яму электроннае паведамленне, пазначыўшы ў загалоўку «I WANT A GUITAR PEDAL». У розыгрышы маглі ўдзельнічаць распрацоўшчыкі, чые імэйлы былі пазначаныя хаця б у адным каміце, прынятым у ядро ў 2024 годзе.
Гітарныя педалі можна купіць як гатовымі, так і ў выглядзе набору кампанентаў для самастойнай зборкі. Якраз такія, ад кампаніі Aion FX, апынуліся ў Торвальдса — але не таму, што ён грае на гітары, а таму, што яму падабаецца паяць. Ён адзначыў, што не разбіраецца ў гітарах, і папрасіў не судзіць ягонай працы строга.
Днямі адбыўся рэліз ядра Linux 6.13. У суправаджальным пасце Торвальдс напісаў, што абраў пяць атрымальнікаў падарунка, і назваў іх імёны.
Гэта вельмі нечаканы жэст з боку праграміста, які звычайна прыніжае распрацоўшчыкаў. Некалькі гадоў таму стваральнік Linux нават браў таймаўт, каб перагледзець сваё стаўленне да навакольных.
Рэлацыраваліся? Цяпер вы можаце каментаваць без верыфікацыі акаўнта.