Колькасць пошукавых запытаў VPN-сэрвісаў у Фларыдзе ўзляцела на пачатку студзеня пасля таго, як новы закон аб верыфікацыі ўзросту карыстальнікаў на сайтах для дарослых вымусіў Pornhub сысці са штата. У VpnMentor зафіксавалі прырост у 1150% ужо на працягу першых некалькіх гадзін Новага года з уступленнем закона ў сілу.
Колькасць пошукавых запытаў VPN-сэрвісаў у Фларыдзе ўзляцела на пачатку студзеня пасля таго, як новы закон аб верыфікацыі ўзросту карыстальнікаў на сайтах для дарослых вымусіў Pornhub сысці са штата. У VpnMentor зафіксавалі прырост у 1150% ужо на працягу першых некалькіх гадзін Новага года з уступленнем закона ў сілу.
У кампаніі назвалі падзею «ашаламляльнай».
Цікавасць да VPN-сэрвісаў сярод карыстальнікаў пашукавіка Google таксама на ўздыме. Google Трэнды не даюць канкрэтных лічбаў, але паказваюць, што запыт «VPN» 1 студзеня дасягнуў 100 балаў, якія пазначаюць пікавую папулярнасць. Днём раней каэфіцыент быў амаль у два разы меншы — 58. Ён заставаўся высокім у першыя дні месяца, а потым зноў злёгку ўпаў.
Закон, пра які ідзе гаворка, патрабуе ад сайтаў, якія распаўсюджваюць інтымны кантэнт, правяраць узрост карыстальнікаў па пасведчанні кіроўцы, тлумачыць Business Insider. Pornhub — самы папулярны порнасайт, і адзін з самых папулярных сайтаў у свеце. Ягоны кантэнт заблакаваны ў 17 штатах ЗША, уключаючы Аклахому, Айдаха і Паўночную Караліну. Таксама ён забанены ў шэрагу краін.
«Велізарны ўсплёск» карыстальнікаў з ЗША адзначаюць і распрацоўшчыкі VPN-сэрвісу Proton. «Звычайна мы назіраем падобныя скокі ў краінах з нестабільнымі ўрадамі, дзе блакуецца Інтэрнэт, то-бок гэта анамалія», — сказалі ў кампаніі.
У Pornhub кажуць, што ў прынцыпе падтрымліваюць праверку ўзросту. Але не згодныя з метадамі, якія прапануюцца ў прыманых законах, паколькі яны маюць на ўвазе збор велічэзнай колькасці далікатных персанальных даных, што неэфектыўна і ставіць пад пагрозу бяспеку карыстальнікаў.
Рэлацыраваліся? Цяпер вы можаце каментаваць без верыфікацыі акаўнта.