Алеся Чапкевич world 20 ліпеня 2026, 16:49

Microsoft закрыла польскія падраздзяленні Xbox і Bethesda — СМІ

Падаецца, скарачэнні ў гульнявой імперыі Microsoft закранулі Польшчу. Пра гэта піша CD-Action са спасылкай на мясцовых журналістаў.

3 каментарыя

Microsoft закрыла польскія падраздзяленні Xbox і Bethesda — СМІ

Падаецца, скарачэнні ў гульнявой імперыі Microsoft закранулі Польшчу. Пра гэта піша CD-Action са спасылкай на мясцовых журналістаў.

Тэхнаблогер Давід Касіньскі напісаў у X, што кампанія ліквідавала структуры Xbox і Bethesda ў краіне. Паводле яго, «закрылі цэлыя аддзелы і звольнілі людзей». Інфармацыю пазней пацвердзіў журналіст Міхал Пісарскі, аднак выданне падкрэслівае, што пакуль гэта неафіцыйная інфармацыя ад двух інсайдэраў галіны — яе пакуль не пацвердзілі ні Microsoft, ні буйныя польскія прафільныя СМІ.

Тым часам у LinkedIn ужо пачалі з’яўляцца публікацыі людзей з пазнакай #OpenToWork, якія займаліся піярам брэндаў Xbox і Bethesda ў Польшчы. Зрэшты, адзінкавыя статусы не даводзяць ліквідацыі ўсяго філіяла.

У пачатку ліпеня Xbox абвясціла адну з найбуйнейшых рэструктурызацый за ўсю сваю гісторыю: тысячы людзей ужо страцілі працу, яшчэ частку тая ж доля спасцігне да канца 2027 года. Кіраўніца Xbox Аша Шарма ва ўнутраным лісце прызнала, што з фінансамі туга, і сродкі перанакіроўваюцца на прыярытэтныя франшызы: The Elder Scrolls, Fallout, Doom і на Minecraft, які катастрафічна недафінансаваўся. CD-Action адзначае, што пры такім раскладзе лакальныя маркетынгавыя каманды — адны з першых кандыдатаў на вылет.