ШІ-гонка справакавала моцны дэфіцыт спецыялістаў па кібербяспецы
Пакуль Сіліконавая даліна перажывае маштабныя трансфармацыі і скарачэнні праз ШІ, на рынку працы сфарміраваўся сектар з анамальным перагрэвам: кампаніі са спісу Fortune 100 завязлі ў жорсткім дэфіцыце спецыялістаў па кібербяспецы. Попыт настолькі вялікі, што рэкруцінгавыя агенцтвы адмаўляюць новым кліентам — на рынку банальна не хапае патрэбнай колькасці кваліфікаваных кадраў, піша New York Times. Паводле даных Glassdoor, толькі за першы квартал колькасць вакансій у гэтай сферы скокнула на 11%.
Пакуль Сіліконавая даліна перажывае маштабныя трансфармацыі і скарачэнні праз ШІ, на рынку працы сфарміраваўся сектар з анамальным перагрэвам: кампаніі са спісу Fortune 100 завязлі ў жорсткім дэфіцыце спецыялістаў па кібербяспецы. Попыт настолькі вялікі, што рэкруцінгавыя агенцтвы адмаўляюць новым кліентам — на рынку банальна не хапае патрэбнай колькасці кваліфікаваных кадраў, піша New York Times. Паводле даных Glassdoor, толькі за першы квартал колькасць вакансій у гэтай сферы скокнула на 11%.
Галоўным трыгерам гэтага буму сталі страх і невызначанасць вакол ШІ, якія спракавалі адразу некалькі праблем. Па-першае, «баг-апакаліпсіс», які выклікаў вайб-кодынг: распрацоўшчыкі па ўсім свеце пачалі масава выкарыстоўваць нейрасеткі для генерацыі кода. Гэта шматкроць паскорыла працэсы, але адначасова завала ІТ-інфраструктуру кампаній схаванымі памылкамі і ўразлівасцямі.
Па-другое, з’явіліся ШІ-хакеры, і вядучыя лабараторыі самі прыклалі да гэтага руку. Спачатку Anthropic выпусціла мадэль Mythos, якая ўмее знаходзіць і выкарыстоўваць прабелы ў софце энергасетак і фінансавых інстытутаў. Праз тыдзень OpenAI адказала рэлізам GPT 5.4 Cyber з падобным функцыяналам. Абедзве мадэлі пакуль даступны толькі вузкаму колу партнёраў, але бізнес усвядоміў, што ў рукі зламыснікаў хутка трапіць звышразумная зброя для ўзлому.
У агенцтве Heidrick & Struggles адзначаюць, што запыты на пошук топ-менеджараў у сферы бяспекі, якія звычайна паступалі раз на год, цяпер прыходзяць кожны тыдзень. А ў Hitch Partners зафіксавалі 5-7-кратны рост такіх заявак з мінулай восені.
Дырэктар па інфармацыйнай бяспецы LinkedIn Лея Кіснер адзначае, што кампаніям цяпер патрэбны не проста тэарэтыкі, а інжынеры з моцнай тэхнічнай базай, здольныя арыентавацца ў хаосе ШІ-рэвалюцыі. На ейную думку, індустрыя зразумее, як выбудаваць устойлівую ШІ-бяспеку ў доўгатэрміновай перспектыве, у лепшым выпадку праз некалькі гадоў.
Рынак жорстка фільтруе і саміх бяспечнікаў: выйграюць тыя, хто своечасова адаптаваўся. Інжынеры, якія гадамі расследавалі кіберпагрозы класічнымі метадамі, прызнаюцца, што без ведання ШІ-інструментаў знайсці новую працу стала амаль немагчыма. Агульная выснова экспертаў супадае з нядаўнімі тэзісамі кіраўніка Nvidia Джэнсена Хуанга: татальнага скарачэння працоўных месцаў не адбудзецца, але характар працы змяніўся назаўжды, і спецыялістам дакладна прыйдзецца перавучвацца пад новыя рэаліі.
Релоцировались? Теперь вы можете комментировать без верификации аккаунта.