Аддзел навін 21 лютага 2025, 12:02

«Пакуль серверы не расплавяцца»: Grok 3 стаў бясплатна даступны для ўсіх

xAI адкрыў свабодны доступ да сваёй найноўшай моўнай мадэлі Grok 3. Нейкі час апрабаваць «самы разумны АІ на планеце» змогуць нават тыя, у каго няма падпіскі, піша Engadget.

1 каментарый

xAI адкрыў свабодны доступ да сваёй найноўшай моўнай мадэлі Grok 3. Нейкі час апрабаваць «самы разумны АІ на планеце» змогуць нават тыя, у каго няма падпіскі, піша Engadget.

Па тэрмінах ніякай канкрэтыкі няма. Кіраўнік xAI Ілан Маск сказаў, што акцыя працягнецца «нядоўга», сам стартап яшчэ загадчней напісаў, што «пакуль нашыя серверы не расплавяцца».

This is it: The world’s smartest AI, Grok 3, now available for free (until our servers melt).

Try Grok 3 now: https://t.co/Tj0afLoxEz

X Premium+ and SuperGrok users will have increased access to Grok 3, in addition to early access to advanced features like Voice Mode pic.twitter.com/YgKavSCiWr
— xAI (@xai) February 20, 2025

Пры выкарыстанні Grok у X, у вэб-версіі і ў мабільнай праграме юзерам будзе даступная опцыя «разважанняў» і паглыбленага пошуку DeepSearch. Гэтыя магчымасці мае толькі апошняе пакаленне вялікіх моўных мадэляў xAI, таму юзеру трэба будзе пераканацца, што ён менавіта на Grok 3, а не на Grok 2. Версію можна праверыць у выпадальным меню ў інтэрфейсе чат-бота.

Тым не менш у платных карыстальнікаў ёсць перавага. Уладальнікі падпіскі X Premium+ за $40 на месяц і асобнай падпіскі на бота SuperGrok за $30 на месяц атрымаюць «пашыраны доступ» да функцыяналу Grok 3 і ранні доступ да прасунутых опцый накшталт галасавога рэжыму. Таксама ў падпісчыкаў будзе прыярытэт у выпадку перагрузкі сервераў, доступ да рэжыму знаўцы «Big Brain» для вырашэння складаных задач па матэматыцы, навуках і праграмаванні, якія патрабуюць больш вылічальных магутнасцяў, а таксама безліміт на генерацыю выяў.