Група амерыканскіх і кітайскіх даследчыкаў вывучыла профілі больш як 3 млн фінансавых і ІТ-спецыялістаў у LinkedIn, каб паглядзець, як патрабаванне вярнуцца ў офіс уплывае на найманне і цякучасць кадраў у кампаніях са спіса S&P 500.
Група амерыканскіх і кітайскіх даследчыкаў вывучыла профілі больш як 3 млн фінансавых і ІТ-спецыялістаў у LinkedIn, каб паглядзець, як патрабаванне вярнуцца ў офіс уплывае на найманне і цякучасць кадраў у кампаніях са спіса S&P 500.
Высветлілася, што пасля ўвядзення RTO-палітыкі ў кампаніях значна ўзмацняецца адток персаналу. Асабліва ярка гэтая з’ява выказаная сярод супрацоўнікаў жаночага полу, а таксама супрацоўнікаў старэйшага ўзроўню і больш дасведчаных.
На цякучасць сярод мужчын падобнае патрабаванне ўплывала ў тры разы менш, чым сярод жанчын. Пра тое, што яно ў значна большай ступені закране жанчын і супрацоўнікаў, якім трэба клапаціцца пра блізкіх, эксперты ўжо папярэджвалі раней. Акрамя гэтых груп работнікаў, аддаленая праца давала перавагу, напрыклад, людзям з неўралагічнымі асаблівасцямі і з абмежаванымі фізічнымі магчымасцямі. Часам праз загад быць у офісе кампаніі пазбаўляліся сваіх найбольш каштоўных высокакваліфікаваных супрацоўнікаў, якія сыходзілі да іх больш гнуткіх канкурэнтаў — так было, напрыклад, з Apple, Microsoft і SpaceX.
Акрамя таго, сцвярджаюць аўтары даследавання, такім кампаніям становіцца складаней запаўняць апусцелыя пазіцыі, і ў цэлым тэмпы наймання ў іх падаюць. Пасля ўвядзення RTO-патрабаванняў кампаніі выдаткоўваюць на 23% больш часу (12 лішніх дзён), каб закрыць вакансіі. Хоць цалкам верагодна, што яны папросту менш наймаюць або выкарыстоўваюць RTO для бязбольнага скарачэння штату. Аднак даследчыкі сцвярджаюць, што павелічэнне тэрмінаў кажа пра складанасці з прыцягненнем талентаў, якім не вельмі імпануюць офісныя чаканні патэнцыйных працадаўцаў.
Даследчыкі робяць выснову, што за строгія патрабаванні наконт працы з офіса кампаніі расплачваюцца ўцечкай мазгоў.
Рэлацыраваліся? Цяпер вы можаце каментаваць без верыфікацыі акаўнта.