Кіраўнік Microsoft Сатья Надэла ў нядзельнай калонцы растлумачыў, чаму ШІ не заменіць людзей. На ягоную думку, чалавек застанецца галоўным рухавіком тэхналогіі: менавіта людзі ставяць амбіцыйныя мэты, звязваюць паміж сабой розныя сферы, камунікуюць і бачаць невідавочныя заканамернасці. А без чалавечага кантролю любыя камп’ютарныя магутнасці будуць папросту ўхаластую ганяць вылічэнні па крузе.
Кіраўнік Microsoft Сатья Надэла ў нядзельнай калонцы растлумачыў, чаму ШІ не заменіць людзей. На ягоную думку, чалавек застанецца галоўным рухавіком тэхналогіі: менавіта людзі ставяць амбіцыйныя мэты, звязваюць паміж сабой розныя сферы, камунікуюць і бачаць невідавочныя заканамернасці. А без чалавечага кантролю любыя камп’ютарныя магутнасці будуць папросту ўхаластую ганяць вылічэнні па крузе.
У новай эканоміцы, піша генеральны дырэктар, кампаніям давядзецца развіваць два віды капіталу: чалавечы (вопыт, логіка і кемлівасць супрацоўнікаў) і капітал токенаў (уласныя ШІ-тэхналогіі). Пры гэтым каштоўнасць жывых людзей з развіццём ШІ будзе толькі расці. Галоўнае для бізнесу цяпер — не проста выбраць самую прасунутую гатовую нейрасетку, а стварыць сістэму пастаяннага сумеснага навучання. Кампаніі могуць аўтаматызаваць канкрэтную задачу ці нават пасаду, але яны ніколі не змогуць перакласці на ШІ сам працэс назапашвання вопыту.
Для гэтага бізнесу патрэбен новы падыход — стварэнне разумных ШІ-памочнікаў (агентных сістэм), якія прагрэсуюць з кожным выкарыстаннем, але пакідаюць усе сакрэты ўнутры кампаніі. Бізнес павінен мець магчымасць у любы момант замяніць адну базавую нейрасетку на іншую, не губляючы пры гэтым унікальны лічбавы вопыт, які назапашваўся гадамі. Гэта стане галоўным тэстам на незалежнасць. Правяраць працу ШІ трэба па рэальных бізнес-выніках, а не па адарваных ад жыцця тэстах, каб уся база ведаў кампаніі была даступна адным клікам, а рэсурсы не марнаваліся дарма.
Такая звязка чалавека і ШІ з часам працуе ўсё лепш і лепш. Кожны адладжаны працоўны працэс дае новыя якасныя дадзеныя для навучання нейрасеткі. Кампаніі, якія пабудуюць гэтую сістэму першымі, атрымаюць вялікі адрыў ад канкурэнтаў, і гэты адрыў ужо не атрымаецца дагнаць за кошт пакупкі нейкай новай крутой мадэлі збоку, лічыць Надэла.
Ён падкрэслівае, што нельга дапусціць, каб увесь прыбытак дастаўся толькі пары карпарацый, якія стварылі галоўныя нейрасеткі. Грамадства проста не дазволіць ШІ знішчыць цэлыя прафесіі. Кіраўнік Microsoft параўноўвае гэта з першай хваляй глабалізацыі, калі заводы масава пераносілі ў іншыя краіны: на паперы эканоміка расла, але цэлыя рэгіёны засталіся без працы, і з гэтымі наступствамі мы разбіраемся дасюль.
Таму галоўная задача цяпер — будаваць не проста адну звышмагутную мадэль, а адкрытую экасістэму, каб тэхналогіі прыносілі карысць любой кампаніі ў любой краіне. ІТ-платформы павінны даваць старонным распрацоўшчыкам зарабляць больш, чым забіраюць сабе. Толькі тады супрацоўнікі ўбачаць, што ШІ не замяняе іх, а маштабуе іх вопыт і дапамагае расці прафесійна.
«Так кампаніі павысяць выгаду для сябе і эканомікі ў цэлым. Гэта той устойлівы баланс, які мы павінны выбудаваць агульнымі намаганнямі», — заключыў Надэла.
Релоцировались? Теперь вы можете комментировать без верификации аккаунта.