Венчурныя інвестары, якія прывыклі ўкладвацца ў высокатэхналагічныя стартапы, мяняюць фокус і перанакіроўваюць капітал у фізічны свет: спартыўныя клубы, культавую нерухомасць і вытворчасць матэрыяльных тавараў, піша Wall Street Journal. Індустрыя шукае сферы, абароненыя ад імклівага развіцця штучнага інтэлекту, робячы стаўку на жывы чалавечы досвед, які не здольны замяніць умоўны ChatGPT.
Венчурныя інвестары, якія прывыклі ўкладвацца ў высокатэхналагічныя стартапы, мяняюць фокус і перанакіроўваюць капітал у фізічны свет: спартыўныя клубы, культавую нерухомасць і вытворчасць матэрыяльных тавараў, піша Wall Street Journal. Індустрыя шукае сферы, абароненыя ад імклівага развіцця штучнага інтэлекту, робячы стаўку на жывы чалавечы досвед, які не здольны замяніць умоўны ChatGPT.
Буйнейшыя гульцы венчурнага і ІТ-рынку масава заходзяць у традыцыйны спорт. Заснавальнік Thrive Capital Джош Кушнер купіў долі ў некалькіх амерыканскіх франшызах, у тым угоды з San Francisco Giants і LA Lakers (апошнюю ацанілі ў рэкордныя $12,5 млрд). Джэф Бэзас і сузаснавальнік Facebook Эдуарда Саверын увайшлі ў кансорцыум па куплі мінарытарнага пакету акцый футбольнага клуба «Ліверпуль» пры ацэнцы клуба ў $7+ млрд. Заснавальнік Dragoneer Марк Стад забраў кантрольны пакет баскетбольнага клуба Minnesota Timberwolves, а група на чале з венчурным інвестарам Уінодам Хослай купляе Seattle Seahawks. Легендарныя каманды прывабліваюць інвестараў дэфіцытнасцю, стабільнай аўдыторыяй, прадказальнымі даходамі ад медыяправоў і падатковымі льготамі.
Паралельна венчурныя фонды інвестуюць у маладыя і нішавыя спартыўныя лігі: 885 Capital уклаўся ў байцоўскую лігу PFL (Professional Fighters League), якая аб’ядналася з кампаніяй прамоўтара і блогера Джэйка Пола. Left Lane Capital інвеставаў у рэслінг-лігу Real American Freestyle Халка Хогана, лігу падэл-тэнісу Pro Padel League, зімовую Snow League ад Шона Уайта і валейбольную League One Volleyball. Фонд тэнісісткі Серэны Уільямс Serena Ventures інвестуе ў «эканоміку ўражанняў» — ад стартапаў у сферы падарожжаў да лігі кёрлінгу.
Стварэнне новых ліг патрабуе меншага капіталу, але звязана з рызыкамі: няма гарантый фарміравання фанацкай базы, а за ўвагу гледачоў даводзіцца канкурыраваць у тым ліку з ШІ-кантэнтам. Тым не менш інвестары разлічваюць атрымаць даход ад рэальных актываў, якія не абнуліць выхад новай моўнай мадэлі.
Трэндам сталі не толькі спартыўныя відовішчы, але і фізічная інфраструктура. Бізнесмен Бары Дылер вядзе перамовы пра паглынанне аператара казіно MGM Resorts (ацэнка кампаніі — больш за $12 млрд), адкрыта заяўляючы пра намер рухацца ў процілеглым ад ШІ-буму кірунку.
Іншыя інвестары выбіраюць гібрыдныя прадукты: Serena Ventures удала ўклалася ў стартап StickerBox, які стварае дзіцячыя цацкі, што генеруюць і друкуюць фізічныя стыкеры з дапамогай ШІ. У жніўні 2026 года кампанію перакупіў вытворца гульняў «Шчанячы патруль» Spin Master пры ацэнцы ў $35-50 млн. Угода пацвярджае высокі попыт на фізічны прадукт у эпоху алгарытмаў.
Релоцировались? Теперь вы можете комментировать без верификации аккаунта.