Алеся Чапкевич world 27 кастрычніка 2026, 19:27

Экс-СЕО GitHub запусціў канкурэнта GitHub — толькі пад ШІ-агентаў і ў 90 разоў хутчэй

ШІ піша код з такой хуткасцю, што традыцыйная інфраструктура трашчыць па швах — той жа GitHub усё часцей падае пад нагрузкай ад ботаў, а людзі не паспяваюць разграбаць змены, адзначае ZDNet. Былы генеральны дырэктар GitHub Томас Домке і ягоная каманда стварылі платформу пад новую рэчаіснасць — дэцэнтралізаваны Git-сервіс, у якім пераабралі звыклыя механікі з нуля, каб паскорыць распрацоўку. Праект называецца Entire і ўжо адкрыты для ўсіх ахвочых.

2 каментарыя

Дадай у Google

Экс-СЕО GitHub запусціў канкурэнта GitHub — толькі пад ШІ-агентаў і ў 90 разоў хутчэй

ШІ піша код з такой хуткасцю, што традыцыйная інфраструктура трашчыць па швах — той жа GitHub усё часцей падае пад нагрузкай ад ботаў, а людзі не паспяваюць разграбаць змены, адзначае ZDNet. Былы генеральны дырэктар GitHub Томас Домке і ягоная каманда стварылі платформу пад новую рэчаіснасць — дэцэнтралізаваны Git-сервіс, у якім пераабралі звыклыя механікі з нуля, каб паскорыць распрацоўку. Праект называецца Entire і ўжо адкрыты для ўсіх ахвочых.

Галоўная навінка — поўная адмова ад класічных пул-рэквестаў. Замест іх у Entire выкарыстоўваюцца Trails («сляды»). Каб не выбіраць розніцу ў кодзе ўручную, распрацоўшчыкам прапануецца своеасаблівая прыборная панэль. На кожны пуш ШІ-агенты запускаюць наладжаныя тэсты і самі ацэньваюць якасць.

«Усе дадзеныя бачныя і ў вэб-інтэрфейсе, і праз наш опенсорсны CLI. Агенты могуць самі выпраўляць багі па коле, пакуль чалавек проста назірае за прагрэсам. Калі ўсе тэсты пройдзены, код зліваецца ў асноўную ветку — вычытваць яго вачамі больш не трэба», — тлумачаць у кампаніі. У кожным Trail відаць, колькі токенаў выдаў кожны бот.

Распрацоўшчыкі Entire заяўляюць, што дзякуючы дэцэнтралізаванай сетцы іх Git-хостынг працуе да 89 разоў хутчэй за GitHub і ў 6 разоў хутчэй за Cursor origin. Прыватныя рэпазіторыі можна падымаць у ЗША, Індыі, Аўстраліі і краінах ЕС.

Яшчэ адна функцыя — Continuous Memory («бесперапынная памяць»). Платформа захоўвае логі працоўных сесій проста ў рэпазіторыі. На іх аснове ствараецца граф кодавай базы і «агенцкі мозг»: ШІ памятае мінулыя промпты і вучыцца на старых памылках — расход токенаў зніжаецца на 71%, бо агентам не даводзіцца кожны раз нанова збіраць кантэкст.