DBS, найбуйнейшы банк Сінгапура, пашырае ўкараненне штучнага інтэлекту і ў сувязі з гэтым найбліжэйшымі трыма гадамі скасуе каля 4 тысяч пазіцый за кошт натуральнага адтоку кадраў, паведамляе ВВС.
DBS, найбуйнейшы банк Сінгапура, пашырае ўкараненне штучнага інтэлекту і ў сувязі з гэтым найбліжэйшымі трыма гадамі скасуе каля 4 тысяч пазіцый за кошт натуральнага адтоку кадраў, паведамляе ВВС.
Прадстаўнік банка ў каментары выданню адзначыў, што звальненняў не плануецца — проста не будуць працягваць працоўных кантрактаў па меры іх завяршэння і браць на замену людзям іншых.
Ён падкрэсліў, што аўтаматызацыя закране толькі часовых і кантрактных работнікаў, занятых на розных праектах, у 19 краінах. Усяго такіх у DBS налічваецца 8-9 тысяч чалавек, а агульны штат складае каля 41 тысячы. Кадравыя супрацоўнікі ў бяспецы. Таксама банк плануе стварыць каля 1000 працоўных месцаў, звязаных з АІ.
Раней кіраўнік банка Піюш Гупта заяўляў, што DBS працуе над АІ больш за дзесяць гадоў і цяпер выкарыстоўвае звыш 800 мадэляў у 350 сцэнарыях. Эканамічны эфект ад тэхналогіі па выніках 2025 года чакаецца на ўзроўні $745 млн.
Летась МВФ агучыў прагноз, згодна з якім АІ закране каля 40% працоўных месцаў ва ўсім свеце.
Рэлацыраваліся? Цяпер вы можаце каментаваць без верыфікацыі акаўнта.