Аддзел навін 17 лютага 2025, 11:52

Маск заўтра пакажа «самы разумны АІ на Зямлі»

Ілан Маск анансаваў запуск новай версіі чат-бота Grok яго АІ-стартапа Grok. Пра гэта ён абвясціў у Х.

Grok 3 будзе выпушчаны, а 8 гадзіне вечара па ціхаакіянскім часе (7 гадзін раніцы заўтра па мінскім). Гэта будзе дэмаверсія. Паводле слоў прадпрымальніка, гэта «самы разумны АІ на Зямлі». Яшчэ на мінулым тыдні ў часе выступу па відэа на сусветным урадавым саміце ў Дубаі Маск адзначаў, што рэліз варта чакаць праз тыдзень-два — маўляў, ён не хоча «спяшацца», каб даць найлепшы карыстальніцкі досвед. Але ў выніку напісаў, што будзе «паліраваць прадукт разам з камандай усе выходныя» і ў сацсетках з’яўляцца не будзе.

Рэкламуючы свайго бота ў Дубаі, Маск сказаў, што Grok 3 ужо пераўзыходзіць у тэстах усе наяўныя на рынку прадукты, а таксама, што ён «страшна разумны». Бот трэніраваўся на сінтэтычных даных, прычым ён здольны вызначаць і адкідаць ілжывыя даныя, а таксама ўмее вельмі добра разважаць.

xAI быў заснаваны ў 2023 годзе. У мінулым жніўні выйшла другая версія Grok. У снежні Маск паабяцаў адкрыць бясплатны доступ да моўнай мадэлі для ўсіх карыстальнікаў сваёй сацсеткі.