Былы генеральны дырэктар Yahoo Марыса Маер будуе кар’еру ў Крэмніевай даліне з часоў станаўлення Google. Але нават яна лічыць, што сумленнага адказу на пытанне пра тое, куды рухаецца ШІ, сёння не ведае ніхто.
Былы генеральны дырэктар Yahoo Марыса Маер будуе кар’еру ў Крэмніевай даліне з часоў станаўлення Google. Але нават яна лічыць, што сумленнага адказу на пытанне пра тое, куды рухаецца ШІ, сёння не ведае ніхто.
«Мы сутыкнуліся з новай формай інтэлекту. Кожны, хто сцвярджае, што ведае, чым усё гэта скончыцца — альбо хлусіць, альбо занадта шмат пра сябе думае, альбо адразу і тое, і другое», — заявіла Маер на саміце Fortune Most Powerful Women у Каліфорніі, каментуючы дыскусіі вакол перадавых ШІ-лабараторый.
Маер лічыць, што нявызначанасць працуе ў абодва бакі. Яна прызнае, што рызыкі таго, што ўсё пойдзе не паводле плану, рэальныя, але верагоднасць негатыўнага сцэнарыя ацэньвае «значна ніжэй за 50%».
«А гэта значыць, што шанцы насамрэч на нашым баку», — падкрэслівае Маер. На ейную думку, тэхналогія здольная зрабіць прарыў у медыцыне і навуцы і вызваліць людзям час для жыцця, пра якое яны мараць.
Маер пры сваім аптымізме падтрымлівае дыскусіі аб рэгуляванні ШІ і супрацы паміж лабараторыямі. Яна таксама прызнала, што настроі ў амерыканскім грамадстве змяніліся на негатыўныя — і ІТ-індустрыя сама ў гэтым вінаватая. Першапачатковае пазіцыянаванне тэхналогіі было «занадта легкадумным», праз што людзі пачалі сур’ёзна апасацца за свае працоўныя месцы, сем'і і будучыню дзяцей.
Маер прайшла доўгі шлях у тэхсектары: яна была адным з першых інжынераў Google, а ў 2012 годзе ўзначаліла Yahoo, стаўшы самай маладой жанчынай-CEO у спісе Fortune 500. Яна пакінула кампанію ў 2017-м і потым заснавала стартап Sunshine, але ў 2025 годзе згарнула яго і прадала актывы кампаніі Dazzle AI. У тым жа годзе новы праект прыцягнуў $8 млн у раўндзе сідавых інвестыцый пры ацэнцы ў $35 млн, а паўнавартасны запуск адбыўся ў верасні сёлета.
Dazzle — гэта персанальны ШІ-асістэнт, які навучаецца на фатаграфіях у смартфоне карыстальніка. Ідэя нарадзілася з назіранняў за галерэямі: Маер з камандай высветлілі, што каля 60% здымкаў — гэта тое, чым мы хочам падзяліцца з сябрамі, а астатнія 40% — бытавыя «напаміналкі». Талоны да стаматолага, цэннікі, фота дзіцячых боцікаў, каб не забыць купіць новы памер. Dazzle счытвае гэты кантэкст і перадае задачы ШІ. На выхадзе атрымліваецца спіс справаў, які «выконвае сам сябе». Карыстальнікі могуць выбіраць узровень доступу да фота, а ўразлівыя здымкі адразу выдаляюцца.
Релоцировались? Теперь вы можете комментировать без верификации аккаунта.