Аддзел навін 16 снежня 2024, 17:10

Кафаўндар OpenAI лічыць, што звышынтэлект будзе непрадказальны

Сузаснавальнік OpenAI Ілля Суцкевер падзяліўся прадказаннямі наконт развіцця штучнага інтэлекту на штогадовай профільнай канферэнцыі NeurIPS у пятніцу.

Пакінуць каментарый

Кафаўндар OpenAI лічыць, што звышынтэлект будзе непрадказальны

Сузаснавальнік OpenAI Ілля Суцкевер падзяліўся прадказаннямі наконт развіцця штучнага інтэлекту на штогадовай профільнай канферэнцыі NeurIPS у пятніцу.

Вучоны сцвярджае, што рана ці позна звышразумны АІ, які зможа замяніць чалавека ў большасці задач, будзе створаны. Ён будзе «якасна адрознівацца» ад сённяшняга АІ, у некаторых аспектах — да непазнавальнасці.

«Сістэмы [на аснове суперынтэлекту] будуць па-сапраўднаму агентнымі», — адзначыў Суцкевер, супрацьпаставіўшы іх сучаснаму пакаленню «толькі троху агентнага» АІ. Яны будуць «разважаць», і, як вынік, стануць менш прадказальныя. Яны будуць здольныя да разумення, маючы абмежаваныя даныя. А яшчэ яны будуць валодаць самасвядомасцю, лічыць кафаўндар OpenAI.

Суцкевер таксама дапускае, што яны могуць нават захацець суіснаваць з людзьмі і запатрабаваць сабе правы.

Пасля сыходу з OpenAI навуковец стварыў лабараторыю Safe Superintelligence (SSI), якая займаецца даследаваннямі ў сферы бяспекі штучнага інтэлекту. У верасні яна прыцягнула $1 млрд.