БНТУ стане першым у краіне, хто пратэстуе сістэму электроннай чаргі пры прыёме дакументаў у абітурыентаў — як у банках і паліклініках. Пра гэта распавёў першы прарэктар БНТУ Андрэй Сафонаў парталу sb.by.
БНТУ стане першым у краіне, хто пратэстуе сістэму электроннай чаргі пры прыёме дакументаў у абітурыентаў — як у банках і паліклініках. Пра гэта распавёў першы прарэктар БНТУ Андрэй Сафонаў парталу sb.by.
Электронную сістэму кіравання патокам абітурыентаў, якія прыходзяць у ўніверсітэт у жывой чарзе для падачы дакументаў, укараняць ва ўступную кампанію ў гэтым годзе. Аднак сама падача застанецца вочнай.
«У першы і апошні дзень прыёмнай кампаніі прыходзіць найбольшая колькасць абітурыентаў. Калі не арганізаваць патокі належным чынам, узнікаюць чэргі і нервовая атмасфера як для паступаючых, так і для супрацоўнікаў. Мы ж імкнёмся стварыць максімальна камфортныя ўмовы для нашых гасцей», — патлумачыў Сафонаў.
Паводле яго слоў, сістэма будзе працаваць як аналаг электроннай чаргі ў банку або паліклініцы, але з уласнай спецыфікай. У фае ўніверсітэта паставяць маніторы і сэнсарныя панэлі — абсталяванне ўжо закупленае і наладжваецца. Націснуўшы клавішу і атрымаўшы талон, абітурыент зможа спакойна чакаць запрашэння. Інфармацыйныя табло паставяць у вялікай актавай зале і ва ўнутраным дворыку, дзе таксама плануюць арганізаваць кропку харчавання. Абітурыенты змогуць спакойна сачыць за рухам чаргі і атрымліваць запрашэнні ў патрэбную аўдыторыю.
«Мы першыя ў краіне, хто рэалізуе падобны праект, хоць гэта не ноу-хаў, а хутчэй адаптацыя прынцыпаў электроннай чаргі да лагістыкі ўніверсітэта», — рэзюмаваў Сафонаў.
Релоцировались? Теперь вы можете комментировать без верификации аккаунта.