Алеся Чапкевич bel 29 чэрвеня 2026, 13:00

Нацбанк прадставіў сервіс імгненных QR-плацяжоў

Нацыянальны банк прадставіў «КРОК» — адзіны сервіс імгненных QR-плацяжоў, праз які можна будзе аплачваць тавары і паслугі напрамую з рахунку ў банку без выкарыстання картак.

Пакінуць каментарый

Нацбанк прадставіў сервіс імгненных QR-плацяжоў

Нацыянальны банк прадставіў «КРОК» — адзіны сервіс імгненных QR-плацяжоў, праз які можна будзе аплачваць тавары і паслугі напрамую з рахунку ў банку без выкарыстання картак.

Паводле старшыні праўлення Нацбанка Рамана Галоўчанкі, Беларусь перажывае глыбокую трансфармацыю плацёжных адносінаў. Хуткасць, зручнасць і бяспека разлікаў перасталі быць канкурэнтнай перавагай і сталі базавым чаканнем.

«Усведамляючы гэта, мы прынялі стратэгічнае рашэнне па распрацоўцы ўласнага плацёжнага сервісу, які адпавядае тром ключавым крытэрыям: тэхналагічны суверэнітэт, максімальная хуткасць, прастата транзакцый і бязумоўная бяспека. „КРОК“ — гэта адзін маленькі крок для карыстальніка, але вялікі рыўок для плацёжнай інфраструктуры нашай краіны», — цытуе чыноўніка БЕЛТА.

Галоўчанка падкрэсліў, што распрацоўшчыкі не капіявалі замежныя рашэнні, а стваралі ўласныя. Сервіс распрацаваны ў Беларусі з улікам спецыфікі мясцовага рэгулявання, патрэб беларускіх банкаў і чаканняў канчатковага карыстальніка. Паводле яго, сервіс стане новым стандартам плацёжнага абслугоўвання ў нашай краіне.

Аналагічныя нацыянальныя сістэмы з магчымасцю аплаты па QR-кодзе ўжо дзейнічаюць у многіх краінах свету, уключаючы Індыю, Бразілію, Інданезію, Тайланд, Расію, Мексіку, Сінгапур і ПАР.