Сын былога старшыні праўлення Нацбанка Паўла Калаура — Уладзімір Калаур — сышоў з беларускага Альфа-Банка і далучыўся да «вялікага і амбіцыйнага праекта па стварэнні першага крыптабанка» ў краіне. Пра гэта ён напісаў у LinkedIn.
Сын былога старшыні праўлення Нацбанка Паўла Калаура — Уладзімір Калаур — сышоў з беларускага Альфа-Банка і далучыўся да «вялікага і амбіцыйнага праекта па стварэнні першага крыптабанка» ў краіне. Пра гэта ён напісаў у LinkedIn.
У Альфа-Банку Калаўр-малодшы працаваў дырэктарам па развіцці бізнесу. Цяпер, мяркуючы па профілі, ён стаў гендырэктарам кампаніі WhiteFinance. Як пішуць у Office Life, гэтую структуру стварыў WhiteBird для запуску крыптабанка. Цяпер Калаур шукае ў каманду спецыялістаў па крыптабанкінгу, блокчейн-інфраструктуры, рэгуляцыі і фінтэх-прадуктах.
«Прыйшоў час зрабіць з нашай амбіцыйнай птушачкі сапраўдны „Боінг“ — з сур’ёзнай інфраструктурай, спелымі працэсамі і маштабным прадуктовым бачаннем. Упэўнены, наперадзе шмат працы і не менш падстаў для прафесійнага гонару», — напісаў ён.
У красавіку ЕС ухваліў 20 пакет санкцый, які забараняе любыя транзакцыі з крыптыактывамі або лічбавымі валютамі Нацбанка, а таксама ўзаемадзеянне з мясцовымі крыптовалютнымі арганізацыямі.
WhiteBird запэўніла кліентаў, што «любіць іх» і пабудавала «бяспечную і стабільную сістэму, якая хутка адаптуецца і незалежная ад вонкавых фактараў». Архітэктура платформы «дазваляе здзяйсняць абменныя аперацыі і захоўванне без праблем з разметкай крыптакашалькоў». Таксама кампанія нясе «гарантыйныя абавязацельствы за крыпту, набытую ў яе, і абавязваецца замяніць крыпту, якая кліенту не падышла, на новую» .
Рэлацыраваліся? Цяпер вы можаце каментаваць без верыфікацыі акаўнта.