Новае міжнароднае даследаванне паказала, што жанчыны значна радзей выкарыстоўваюць генератыўны штучны інтэлект, чым мужчыны. Разрыў фіксуецца амаль ва ўсіх краінах і прафесіях і можа мець сур’ёзныя наступствы для эканомікі і роўнасці на рынку працы.
Новае міжнароднае даследаванне паказала, што жанчыны значна радзей выкарыстоўваюць генератыўны штучны інтэлект, чым мужчыны. Разрыў фіксуецца амаль ва ўсіх краінах і прафесіях і можа мець сур’ёзныя наступствы для эканомікі і роўнасці на рынку працы.
Навукоўцы прааналізавалі 18 даследаванняў з удзелам больш за 140 тысяч чалавек. Высветлілася, што жанчыны прыкладна на 20% радзей звяртаюцца да чат-ботаў кшталту ChatGPT, Claude і Perplexity. Дадзеныя па трафіку і запамповак аплікацый пацвярджаюць тэндэнцыю: у ЗША на жанчын прыпадае толькі 27% запамповак ChatGPT, а ў канкурэнтаў паказчыкі яшчэ ніжэй.
Нават пры аднолькавым доступе да тэхналогій разрыў захоўваецца. У эксперыменце з 17 тысячамі жыхароў Кеніі жанчыны аказаліся на 13% менш схільныя паспрабаваць ChatGPT, нават атрымаўшы падрабязную інструкцыю па ўсталяванні.
Прычыны адрозненняў звязаны з некалькімі фактарамі. Жанчыны радзей чуюць аб новых ШІ-інструментах, адчуваюць сябе менш упэўнена ў іх выкарыстанні і часцей успрымаюць генератыўны ШІ як «падман» у вучобе ці працы. Пры гэтым адрозненняў у ўзроўні даверу да дакладнасці адказаў або ў страхах страціць працу амаль няма: мужчыны нават часцей выказваюць занепакоенасць за свае даходы.
Аўтары даследавання папярэджваюць, што разрыў, які захоўваецца, можа прывесці да самападтрымліваючагася цыклу. Калі жанчыны будуць радзей карыстацца ШІ, алгарытмы будуць горш улічваць іх патрэбы, што яшчэ больш узмоцніць няроўнасць. Па падліках, толькі для ЗША гэта можа азначаць страту сотняў мільярдаў даляраў патэнцыйнага росту ў бліжэйшыя дзесяць гадоў.
Эксперты прапануюць меры для скарачэння разрыву: папулярызацыю ШІ сярод жанчын, адукацыйныя праграмы і развіццё больш інклюзіўных тэхналогій. «Генератыўны ШІ здольны павысіць прадукцыйнасць на 20% за дзесяцігоддзе, але выгоды будуць размеркаваны нераўнамерна, калі жанчыны застануцца ў баку», — адзначаюць аўтары працы.
Рэлацыраваліся? Цяпер вы можаце каментаваць без верыфікацыі акаўнта.