Нацбанк не дазволіць ІТ-кампаніям карыстацца залежнасцю банкаў ад лічбавых рашэнняў і навязваць ім кабальныя ўмовы. Цэнавую палітыку некаторых распрацоўшчыкаў софту для фінансавай сферы раскрытыкаваў намеснік старшыні праўлення рэгулятара Андрэй Картун на форуме «БанкІТ-2026», піша Office Life.
Нацбанк не дазволіць ІТ-кампаніям карыстацца залежнасцю банкаў ад лічбавых рашэнняў і навязваць ім кабальныя ўмовы. Цэнавую палітыку некаторых распрацоўшчыкаў софту для фінансавай сферы раскрытыкаваў намеснік старшыні праўлення рэгулятара Андрэй Картун на форуме «БанкІТ-2026», піша Office Life.
Перад фінансавым сектарам стаяць маштабныя задачы па лічбавізацыі: ад стварэння сістэм імгненных плацяжоў і ўкаранення біяметрыі да разгортвання антыфрод-сістэмаў. Але некаторыя ІТ-пастаўшчыкі, відаць, паспрабавалі нажыцца на стратэгічных праектах.
«Перад банкаўскім сектарам ставяцца дастаткова амбіцыйныя мэты ў сферы лічбавага развіцця. Вашая задача — падстаўляць плячо банкам, прапаноўваць рашэнні, а не проста зарабляць грошы і завышаць кошт сваіх прадуктаў. Нам даводзілася сёлета выцягваць у ручным рэжыме пэўныя фінансавыя арганізацыі з гэтай кабалы, якую ствараюць вендары. Такія вендары нам не трэба», — папярэдзіў Картун і назваў такія паводзіны недзяржаўным падыходам.
Намеснік старшыні праўлення падкрэсліў, што Нацбанк не супраць таго, каб прыватны бізнес зарабляў грошы, аднак злоўжываць становішчам не дазволіць. «Калі вы папросту хочаце накінуць пятлю на шыю нейкага буйнога банка, то так не атрымаецца», — рэзюмаваў ён.
Релоцировались? Теперь вы можете комментировать без верификации аккаунта.