Meta рыхтуецца да маштабных скарачэнняў: паводле інфармацыі трох крыніц Reuters, яны запланаваны на 20 мая і закрануць дзясятую частку глабальнага штату тэхгіганта — каля 8 тысяч чалавек.
Meta рыхтуецца да маштабных скарачэнняў: паводле інфармацыі трох крыніц Reuters, яны запланаваны на 20 мая і закрануць дзясятую частку глабальнага штату тэхгіганта — каля 8 тысяч чалавек.
Але гэта не ўсё — кампанія таксама будзе праводзіць звальненні ў другой палове года. Іх маштабы і тэрміны, паводле суразмоўцаў выдання, яшчэ не вызначаныя. Планы могуць быць скарэктаваныя ў залежнасці ад тэмпаў развіцця ШІ. Частку супрацоўнікаў пераводзяць у новае падраздзяленне Meta Small Business, якое было створана ў сакавіку падчас рэструктурызацыі.
У мінулым месяцы Reuters паведамляў, што Meta збіраецца пазбавіцца ад 20% супрацоўнікаў. У кампаніі, якая ўкладае сотні мільярдаў долараў у ШІ, адмовіліся ад каментароў.
Гэтыя звальненні стануць найбуйнейшымі для Meta з часоў каранавіруса. У межах «года эфектыўнасці» у канцы 2022-га — пачатку 2023-га кампанія звольніла каля 21 тысячы чалавек. Па стане на 31 снежня яна налічвала каля 79 тысяч супрацоўнікаў.
Релоцировались? Теперь вы можете комментировать без верификации аккаунта.