Zubr Capital інвестуе ў анлайн-маркетплэйс Larixon Classifieds

Інвесткампанія Zubr Capital абвясціла аб інвестыцыях у Larixon Classifieds. Гэта холдынгавая кампанія, якая кіруе платформамі аб’яў на рынках Кіпра, Манголіі, Ямайкі, Трынідада і Табага і Таджыкістана. Партфоліа Larison уключае ў сябе платформы Bazaraki.com, Unegui.mn, Somon.tj, Pi.tt і JaCars.net.

«Гэтыя інвестыцыі падмацоўваюць нашае імкненне падтрымліваць высокатэхналагічны бізнэс з глабальным ахопам, — гаворыцца ў заяве Zubr Capital. — З іх дапамогай мы імкнемся дапамагчы Larixon Classifieds умацаваць свае пазіцыі ў якасці вядучага гульца на хуткарослым міжнародным рынку аб’яў».