Зумеры сумуюць па гаджэтах, якія многія прадстаўнікі іх пакалення наўрад ці калі-небудзь трымалі ў руках, піша New York Times. У прыватнасці, яны ўзгадваюць кнопачныя тэлефоны BlackBerry і заклікаюць кампанію да перазагрузкі. Адзін з такіх пастоў у TikTok набраў амаль 550 тысяч лайкаў.
І гэта далёка не адзіны пост у сацсетцы ад маладых людзей, якія рамантызуюць часы, калі ледзь маглі трымаць у руках тэлефон. TikTok апанаваў цэлы «настальгічны» трэнд, удзельнікі якога дзеляцца ўспамінамі аб простых тэхналогіях з мінулага. Напрыклад, аб кнопачнай клавіятуры на тэлефонах і трэкболе. Па словах зумераў, гаджэты з нулявых-дзясятых гадоў нагадваюць ім аб дзяцінстве і юнацтве, і для іх гэта вельмі кранальна.
@notchonnie is it practical? no. is it fun to me? yes. #notchonnie #chonnie #nostalgia #nostalgiacore #retro #retrophone #cuntology101 #y2k #y2kaesthetic #blackberry #blackberryclassic #vintagephone #throwback #fyp #fypシ ♬ supernatural — 🫧
Адзін з карыстальнікаў сацсеткі выклаў некалькі ціктокаў на тэму вяртання BlackBerry на рынак. На здзіўленне, многія ў каментарыях таксама хочуць вярнуць рэтратэхналогіі. Аўтар бачыць у дэвайсах BlackBerry асаблівую «прывабнасць» і лічыць пераход на кнопачныя тэлефоны формай пратэсту супраць сучаснага «гіперпадлучанага» свету: людзі выгараюць з-за паведамленняў і апавяшчэнняў, якімі іх бамбардуюць ледзь не 24/7. Тут жа ўзгадваюць вініл і здымкі, зробленыя на Polaroid, з часоў, «калі тэлефоны былі інструментамі, а не цэнтрам вашага жыцця».
Адны прыхільнікі настальгічнага трэнду купляюць патрыманыя тэлефоны BlackBerry для штодзённага выкарыстання нягледзячы на тое, што многія аплікацыі на іх не падтрымліваюцца. Іншыя патрабуюць ад кампаніі выпусціць абноўленую версію-2025. NYT адзначае, што BlackBerry згарнула падтрымку сваіх прылад у 2022 годзе, а кампанія OnwardMobility, якая паспрабавала зрабіць 5G-версію, хутка закінула гэтую ідэю, так што надзеі на з’яўленне новых BlackBerry ў бліжэйшы час мала.
Іранічна, што трэнд распаўсюджваецца ў TikTok — адной з сацсетак, якія мацней за ўсё выклікае прывыканне: карыстацца ёю на BlackBerry не атрымаецца.
Рэлацыраваліся? Цяпер вы можаце каментаваць без верыфікацыі акаўнта.